طريقة ابوي حبيبي باللحم المشوي على الحطب لا تطوفكم

السلااااااام .. بنات الحين دش الشتا وبدت طلعات البر والشوي والوناسة.. انا باقولكم طريقة او وصفة ابوي حبيبي ..

المقادير:

لحم خروف طازج منظف ومقطع(يكفي جيس واحد)

بصل

طماط

فلفل اخضر بارد

ثوم

ملح + شوية بهارات

قوطي حليب فاضي

منقد (اللي يحطون فيه الحطب والفحم ويشبونه بالشتا بالخيمة)

ماي ( كوب)

خبز ايراني

الطريقة:

ناخذ قوطي الحليب الكبير (السفتي) الفاضي نغسله عدل مدل

نقطع فيه اللحم +البصل +الفلفل + الطماط +الثوم(مقطعين تقطيع خشن)

نتبلهم بالملح والبهارات

بعد ما نحطهم بالقوطي نغطيه بغطاة الحليب الاصلية ونسوي فيها قضوض (فتحات) عشان يطلع البخار.

نحط القوطي على الحطب اللي في المنقد اللي اصلا شابينه من قبل يعني نااااار مشتعلة وطبعا مع الحطب فحم عشان ينطبخ على روااااق على قولة اخوانا اللبنانيين.

نخليه يطبخ لين يستوي اللحم ..امبييييييييييه تعالو ذوقوه خطيييييييير شلون منطبخ على الفحم والبخار اللي داخله.. وااااااااااي الطعم خطييييييير… والله عجيب لان تتكون مع اللحم مرقة لذييييييذة.. واكلوه مع الخبز الايراني .. يا حبيبي يا بابا والله ما تحلى الا من ايدينك… امااااااانة بنات تكفون ادعوا لابوي يطولي في عمره ولا يحرمني منه يارب
ويبارك لي فيه …. تكفون ادعوا له