تخطى إلى المحتوى
الرئيسية » طريقة العصا المضيئة

طريقة العصا المضيئة

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

مرحبا بنات انا سمعت منكم عن العصا المضيئة شلون تسوي جو حلو بالغرفه لما تنثرونها على كل شي وحتي عالجسم انا اليم يالله لقيت وطلبتها جربت وحده بس اتلفتني هل لها طريقه ثانيه انا بالنفاس وبسوي مفاجاه لريلي بس اخاف يتلف ورق الجدران عندي غالي واقلبها ليله نكد

فشلون طريقتها او هل في نوع ثاني والا شلون؟؟ او عندكم فكره يديده حلوة حق طلعتي من النفاس لاني لوعت جبده وايد مسكين
وجزاكم الله الف خير

14 أفكار بشأن “طريقة العصا المضيئة”

  1. أذا قصدج اللي ينباع عند بو أميه يجنن أنا سويتها لما طلعت النفاس ومايتلف شي عادي أهوا نفس الماي تكتينه على الغرفه كلها وعليج على شكل بكيني سوي …وأنشالله فدتج



  2. ماقصرتي انا شريته من اختنا التجارة شطارة علبه فيها خمسين حبه وطلع مع التوصيل خمس دنانير مادري انه عن بوميه قلت بركن الطلبات وين احصله وين محد رد بالاخير يجزاها خير قالت عندي
    انزين اهوا على شكل انبوبه ضعيفه حيل؟؟؟وتقصينها انا الزوليه امشها يالله راح انزين مدتها شكثر تتم علشان ماتخترب المفاجاة



  3. بنات
    ما تخافون تحطون هالسوالف على اجسامكم ؟؟
    انا اللي اعرفه ان الاشياء اللي تشب بالظلمة من هالنوع فيها اشعاعات ؟؟



  4. والله اختي انا شريتها حق ولدي بسم الله عليه عمره سنه ونص ولما كسرناها وشبت ليت استخف الولد وقام عضها علباله حلاو ولا تطلع ذيك الريحه الخايصه كانه بف باف
    فانتي اشلون راح تحطينها على جسمج وعلى الاثاث انتي جربي بالاول كسري وحده وشوفي وليش كل هذا انتي الحين لما تشرين حق اطلاعتج في محلات القمصان كريمات الاضاءه حطي على جسمج

    ويعطيج العافية وانشاء الله تقومين بالسلامه



  5. ماقصرتو انا ماني حاطته على جسمي بنثره بالغرفه هني فوق وحده كاتبه والبنات جربوه يقولون الغرفه اتينن تصير جنه بالفضاء بس انا خايفه انه يتلف الغرفه موعلى جسمي؟؟ هذا السؤال بنات يقولون يروح مايوصخ وناس تقول زفني زوجي وصخت الفندق احترت؟؟؟؟ واعجبتني الفكره



  6. اي ما توصخ لان اهيا نفس ماي

    عادي
    بس لاتحطين علا جسمج
    ولاتخافين علا الورق الجدران لان اهوا مثل ماي وينشف ويروح
    وشكرا



  7. امممممم شوفي اذا فراشج ابيض لا تحطيينها لانه انا جربتها مااااااااااااااادمرت بس بقع نفس الماي على الفراااش ومالها لوووون

    وماااااااااااااااتبييييييييييييين الا حق اللي يدقق

    وموفقه



  8. السلام عليكم
    انا سمعت انها تنباع عند ابو 100 فلس وبالذات طيور الجنه بس الافضل ما تحطينها عالجسم لان بعض الاجسام

    حساسه وإهي مفعولها من 5 إلي 10 دقائق وشكرا (((( عن نفسي انا ما جربتها))))



  9. بنات ليش صعبتوها اللي ينباع عند ابو ميه ماله أثر ومايضر اهوا نفس الماي وكله جم دقيقه ويروح بس تجنن الحركه رهيبه لاتطوفكم



  10. حبيبتى انا شاريتها من محل ابو 100 كرز اللى بالفروانيه ورشيتها بكل غرفتى وماتلفت شئ كلش ملش
    لكن ديرى بالج يطلع بعض المران منها قطع بلاستك نفس الزجاج حاولى تنتبهين

    انا دايما اسويها تهبل سويتها باليله المضيه روعه



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.