طريقة تغيير الباسورد [ ال أم أس ] خاص لطلبة جامعه العربية المفتوحة

سلام
يا حلوين
شفت وايد بنات يقولون شلون ندخل على ال أم أس
طبعا وايد صارت معاي و كل مرة أروح و يسوونه لي
أخر شي زهقت و قلت لهم قولوا لي طريقة بدال ما أطق طريج عشان أقدر أدش ال أم أس

و عرفتها و كل ما رضى ما يدخلني غيرت باس
و دخلت على طووول
الشغله كلها بو ربع ساعه
نبدي يلا
أول شي
نفتح صفحة ال أم اس

ونختار نيو باسورد اللي صاير تحت مربعين
راح يودينا لصفحة ثانية
فيها مربعين
نختار الثاني و نحط إيميلنا عدل بدون اي غلططط

راح يطلع لج هالكلام

نروح الحين للإيميل
و نفتحه راح نلاقي رسالة تغيير باسورد
ندوس على رابط الأزرق اللي فيها

راح يودينا لهالصفحة

نرجع للأيميل أقين
بالغاااالب ما راح نلاقى رسالة بالصندوق البريد
أكثر شي تكون موجودة بالـ [ غير هام ]
نروح لها
و نفتحها راح نلاقي باسورد يديد خرابيط
ننسخه

و نروح للصفحة ال أم أس
و نلصق الباسورد اليديد اللي أينا

راح يدخلنا
أول ما يدخل راح يطلع لنا جذي
نرجع نحط اول مربع باسورد اللي أينا
و بعدين حطوا باسورد اليديد من عنكم
ولازم يكون 8 أرقام على اقل

بعد ما تكتبين باسورد اليديد مرتين
سوي سيف و بس

مبروك عليكم الباسورد اليديد
أحتمال لا دخلتوا ما تطلع الخطوة الأخيرة الي هيا تغير باسورد بويهكم
سو روحوا على جنب تلاقون هالقائمة
أختارو [ تغيير باسورد ]

و نفس الخطوات اللي فوق
إن شاء الله أكون ساعدتكم
و ما ابي منكم غير دعواتكم أني أيت الدرجة الحلوة بهالكورس