طريقة عجينة القطايف

بسم الله الرحمن الرحيم

حبيت انزل اول موضوع لي بالمنتدى
خاصة انه بقسم الطبخ وانا ما اعرف اطبخ

اليوم يايبه طريقه عجينة القطايف
اللي تسويها لنا طباختنا بالبيت
طبعا قعدت يمها و تنقلني الطريقة
وان شالله تضبط معاكم

المقادير

ثلث ارباع كوب طحين أبيض
كوب ماي دافئ
كوب حليب
1 م ك سكر
1 م ص نشا
1 م ك ماء زهر
1 م ص خمير

الطريقة :
نخلط الخميره مع الماي الدافي و نخليهم لمدة نص ساعة
بعدين عقب النص ساعه نخلط كل المكونات مع بعض بالخلاطه عقب ما تختلط المكونات مع بعض نغطيه و نتركها بمكان دافي لمدة ساعتين
بعدين نشكل العجينه مالت القطايف و نحطها على التواة بدون نقطه زيت
و تصير نفس عجينة القطايف و أحلى

و هذا شكلها