طريقة وردة لتغليف الهدايا من صنع بنتي

حصلت طريقة الوردة من النت وقلت بعلمها بنتي وبصورها خصوصا انها تشجعت بعد ما قلت لها عن تعليقاتكم عن موضوع الاساور اللي سوتها واستانست وبما انها بدأت العطلة حبيت اشغل وقتها في شي مفيد

الادوات المطلوبة: مقص- مسدس شمع – شرايط قماش او مثل اللي في الصورة

نقصص الشريط مثل الصورة باحجام متساوية

نلزقهم على بعض مثل الصورة

نحطهم على بعض على شكل علامة ضرب يعني كل وحدة عكس اللي تحتها >>>ما اعرف اشرح

يصير شكلها جذي بعد ما نخلص

حلو تستخدمونها في تغليف هدية او بطاقة معايدة

واللي عندها افكار بسيطة وسهلة للاطفال تعلمني لاني كلش مو صوب هالسوالف ما اعرف لها وبنتي تحب الاعمال اليدوية وانا حدي اوفر لها الاغراض واذا في شي بسيط اعلمها اياه فاللي تعرف جم شغلى تقولي واكون شاكرة لكم