طريقتي المريحة بتجهيز جنطة المستشفي :)

شلونكم بنات

توني قام ازهب جنطة المستشفي وقلت اصورلكم وافيدكم ؛)
طبعا هذي الفكرة من خبرتي بولادتي السابقه ومن نصايح خواتي الله لايحرمني منهم :**

اول شي اغراض البيبي

احط لبس كل يوم بيومه كل واحد بجيس واحد نفس اللي بالصوره طبعا انا ماتعبت نفسي نفس جيس المهاد شفاف وارتب بس ضفت عليه الكبوس والدسوس ومن ورا حطيت اللبس (معارف شسمونه التبانه؟ + اللبس الداخلي) وارقمهم لانه الوحده بعد الولادة تكون تعبانه ولويه فبس علطول اطلع الجيس او اقول حق اللي يكون معاي يعطون الجيس حق السستر أسهل واسرع واريح لي
وطبعا لازم تسون اكثر من جيسين احتياط وحسب جم يوم تكونون بالطبيب
والجيس الملون خليته غير لانه خليته لبس مميز حق وقت التصوير بستيديو المستشفي لاتنسون هالشغله تصورون لانه اللقطات راح تكون مميزه ولحظه ماتنسي

وبنسبه لاغراضي نفس الشي

احط كل يوم بيومه بجيس واحد
(نفنوف- فنيله داخليه – حماله صدر خاصه بالرضاعه-الصروال بوستعمال مره وحده ؛) – شورت طويل- دلاق قطن- شيله مناسبه للنفنوف)
طبعا نفس شي اكثر من جيس اسوي
وملاحظه بنات بخصوص لدلاق شي مهم خصوصا اول ماتطلعون من الولادة لانه راح يكون عليكم برد فتحتاجون 2 او لدلاق المتين اللي داخله مثل فوطه يدفي ؛)

طبعا جياس البيبي كلها اخليها بجيس واحد
وجياس لبسي نفس شي يزوجهم مع بعض بجيس
جذي الجنطه تكون مرتبه بس جيسين + جنطه صغيره لكريمات واللوازم البسيطه

اما لبس الاستقبال يكون معلق عشان لايتعفس بنايلون إيكيا مال الملابس

وبنات بليز وين احصل تكرمون نعال "سليبر" حلو ومريح حق لستقبال؟؟
وسلامتكم
شرايكم بطريقتي ؛)