طريقتي في تلقيم اللقيمات . ومع العصيده السهله وعلى اصولها

هذى العصيده تعلمتها من وحده اماراتيه ربي يذكرها بالخير … وهي سهله ومضمونه وما تتكتل معاج ان شاء الله

8 كاس ماء

3 كاس طحين

5 فنجان سكر

اشوي زيت يساوي ربع كاس

هيل وزعفران

الطريقه :

نحمر الطحين حتى يشقر … ثم ننخله ونحط عليه نصف مقدار الماء او اكثر (لان مرات نوع الطحين يختلف ويشرب ماء اكثر ) … ونحرك فيها جيدا … حتى يتجانس جيدا ونتركه على جنب

نجي الحين للسكر نحمر السكر حتى يصبح لونه ذهبي ويذوب وبعدها نصب عليه باقي مقدار الماء ونتركه يغلي حتى يذوب السكر تماما ….

ثم نصبه على خليط الطحين ونضيف الهيل والزعفران والزيت ونحرك فيه حتى يختلط جيدا … ثم نضعها على نار هاديه ونحرك فيها حتى تثخن بالشكل المطلووووب (والله يعينكم اهني على التحريك )

ترى سكرها خفيف بس مناااااااااسب … واللي تحب الحلى اكثر ممكن تحط 7 فنجان سكر

بس انا حبيت حلاها هالشكل … وعلى فكره انا احب اضيف لها مع الهيل الحبة الحلوه البودر يعطيها طعم مميز

تجنننننننننننننننن انصحكم فيها