طريقتي في عمل جوانح الدجاج – chicken wings

سلام بنات

جربت أسوي جيكن وينقز والحمدلله طلعت لذيذة بشهادة اللي كلوها وحبيت انكم تجربونها وان شاء الله تعجبكم

المكونات:
– جوانج دجاج طبعاً
– ثوم مهروس
– قفشتين أكل طحين
– قفشة ثوم بودر
– صلصة hp العادية والفروتي

– صلصة الجيكن وينقز ماركة MF (في منها أنواع حار – وسط) أنا أستخدم الحار أحبه سبايسي
– صلصة سويت شيلي
– صلصة ثانية للجكن وينقز (مثل الصورة) واذا عندكم أي ماركة ثانية يمشي الحال

– صلصة سومطرا (حاره)

– تباسكو
– قفشة صغيرة عسل
– ملح+فلفل أسود

الطريقة:
– نخلط المقادير السابقة مع بعض ببايركس ونتبل فيها جوانح الدجاج، ونخليها تقريبا ساعتين أو ثلاث بالثلاجة.

– ندخلها الفرن لما تستوي، ونرفعها من الصلصة ونقدمها بطبق.
– بالنسبة للصلصات مسألة تقديرية، يعني قفشتين من كل صلصة والحرارة حسب انتوا تحبون الأكل سبايسي أو لا فالتقدير متروك لكم تزيدون أو تقللون من بعض الصلصات. وبالعافية مقدماً