بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم ورحمة الله وبركاته 
حبيباتي واخواتي العضوات في اجمل منتدى على الاطلاق الكويتيات الحلوات , طبعا كأم احب اقولكم ان التأسيس للطفل شي مهم وضروري 
من مرحلة ال 1 kg او الروضه لان العلم في الصغر كالنقش على الحجر[ماشالله علي درر ياكوكو درر] 
فشرايكم كل وحده تقولنا طريقتها بتاسيس ولدها اوبنتها وشنو النتيجه
واولكم انا ببتدي قاعده احاول اني دايما اتكلم معاها[بنتي ] بالانجلش واحفظها سور من القران صغيره وبالصيف وقبل الدراسه ادخلها القاعده الحلبيه والله يجيب اللي فيه الخير
السلام عليكم ورحمة الله وبركاته
حبيباتي واخواتي العضوات في اجمل منتدى على الاطلاق الكويتيات الحلوات , طبعا كأم احب اقولكم ان التأسيس للطفل شي مهم وضروري من مرحلة ال 1 kg او الروضه لان العلم في الصغر كالنقش على الحجر[ماشالله علي درر ياكوكو درر] فشرايكم كل وحده تقولنا طريقتها بتاسيس ولدها اوبنتها وشنو النتيجه واولكم انا ببتدي قاعده احاول اني دايما اتكلم معاها[بنتي ] بالانجلش واحفظها سور من القران صغيره وبالصيف وقبل الدراسه ادخلها القاعده الحلبيه والله يجيب اللي فيه الخير
كلمت وكيلة المدرسة وسألتها شنو ممكن اعلمه بفترة الصيف
قالت لي اكثر شي ركزي على الخطوط المائلة والمتعرجة والسيدة عشان يصير عليه سهل يكتب الاحرف بالانجليزي بالاضافة اني قاعده اعلمة الالوان الحرف الارقام بالعربي اول الحين حافظهم وبعدين بالانجليزي واسملله عليه تقريبا حافظهم
قصار السور ، الاشياء اللي ساعدتني من صغره ليومنا هذا قناة البراعم – ديفيديات بارني وبيبي آينشتاين وبيبي سونقز
انا ولدي صغيرررون اعلمه الارقااااام واعلمه يقول ماشاء الله وبسم الله والحمدلله
ومرات اعلمه الاحرف لووووول بس احس جذي وايد عليه
مثال:
وانتم طالعين الجمعيه قولي لولدج ممممممممم تتحداني؟؟
بيقولج ايي اكيييد طفل يحب هالسوالف
قوليله جم سياره عندنا(هالحجي وانتم تركبون السياره)
بيعد 1-2-3
اهني لازم تشجعينه (اي والله اثاريك شاااطر والله غلبتني)
طيب شنو الوانها؟؟؟
الولد شوي شوي بيتعلم بهالطريقه
اليهال يحبون المدح
يحبون اللي يتغشمر وياهم ويضحك
ويكرهوووووون اللي يفرض اوامر عليهم
ماشاء الله عيالنا ترى فيهم شوية شموخ وهيبه
لاتطقينه حراااااام بس احرميه من شغله يحبهاا
بعض الاحيان اكو شغلات مايصير اتقولينها مباشره للطفل ممكن تجرحينه وتأزمينه
مثال
لاحظتي ولدج اخذ شغله من بيت خالته وخشها
بعالمنا احنا انسميها (بوق),,,بس اهو ياهل مايعرف هالسوالف
لاتزفيييييييننه غلط ولاتطقينه
بس قبل لاينام قوليله بقولك قصه
عاااد انتي وشطارتج بالقصه عززي فيها قيمة ان الولد يصير اميين ومايمد ايده على اي شي الا باستئذان…
روحي المكتبه اشتري له3او4كراسات والوان شمعيه مو شينيه عشان لايدمر الاثاث والجدران
خليه يرسم واهو يرسم قوليله شرايك انلون اسمك؟؟
كتبي اسمه بخط عرييييييييض ولونوه مع بعض
اليوم وبكره وبعده واهو من نفسه راح يعرف اسمه….
نصيحتي لج لا تجبرين طفلج على اي شي
وكل شي خليه باللعب والضحك والغشمره
وعسى الله يوفقج ويخليلج ولدج ويسخركم لبعض
وريحتني حيييييييل حييييييييل لما حسيت انه اكو امهات يدورون على مصلحة عيالهم ويبون لهم الزين