طلب جزء من المهر – تعطينه؟؟

اذا اهوا مايقصر وطيب ويستااااهل واكرر يستااهل وصج محتاج .. اعطيه ليش لا .. خصوصا اذا فيها سالفة القرض .. حااولي قد ماتقدرين ما اتمرمطون بسالفة القروض ترا القروض مثل الادمان قرض ورا قرض وراقرض ليين مااتكود وتقعدون اتيررون .. عالاقل مو الحين توكم معااارييس ياحافظ شخليتو حق بعدين .. واذا على شغلة ضرورية ..بس طبعا مو دايما تعطينه .. عشان ما يتعود .. صدقيني الريال على ماتعودينه ..
.
قبل لا تعطينه قوليله لا .. مو لازم نسافر عيل.. وحاولو ما تفسفسون عشان ما ينحد على فليساتج عيني عليها ماامدااج تاخذينهم توج شهر عسل بياخذهم اخذو شي على قد رويلاتكم
.
.. بعد مهرج ياربي والله لو صج يبي فلوس يطلع من تحت القاع بس لييش يخسر نفسه واهله .. عنده مرة غشيمة ..

.
..

ما ادري هذا قرار حده شخصي وانتي ابخص بخطيبج ؟؟؟

ومن الافضل مناقشة خواتج او اخوانج بهالموضوع احسن؟؟
واذا المادة مو زود لا تروحون شهر عسل نطرو لين الله يفرجها وسافرو وبالتوفيق انشالله

زوجي خوش واحد ويستاهل كل خير

وطلب مني جزء من المهر وانه يرده لي خلال 4 ايام

رفضت !

وخليته ياخذ قرض من التسهيلات وراح سكر اللي عليه من اقساط وديون .. الخ وصار اللي عليه قسط واحد بقيمه 61 دينار بدال ما كانوا يقصون فووق 200

حبيبتي مو لازم شهر عسل لي ربج يفرجها

لا والله ……….البننوك موجوده وماتقصر ….المهر شكوو؟

مو لازم السفر والاصول اصوول ….

و بعدين تقولون ليش رياييلنا ما يحبونا . اذا انتو من اولها نحاسة

شدعوة اقصاه مهر . شنو المشكلة اذا عطته ؟

مهر تشترين فيه خرابيط ، و الا زوجج المحتاج ؟

اختي أنا مو معاج برأيج تدرين ليش ؟؟ لأن بعدج ماعرفتي زينه من شينه لو زوجج بو عيالج أو حتى صار لج عشرة عمر معاه ممكن هذا توّه معرس وعينه عالمهر بصراحه ينخاف من تاليها ,أصلا كون ان فتح هالموضوع وطرحه للنقاش منقصه بحقه وشي يثير الشبهه بالأيام اليايه .