بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
[CENTER]السلام عليكم بنات[/CENT
11/ 11 موعد الولاده ولا ولدة … ولا في طلق وكل شي جربته
و كذا مرا اروح تسويلي الدكتوره توسيعات وما فاد غير الحين مفتوح 2 ونص
ولي اسبوع ينزل معاي افرازات جامده وخيوط دم بس ماكو عوار ع كثر مامشيت وهببت ب عمري ما فاد معاي
عطوني حل .. وهذا حملي ال3 واول مره يصير معاي جذي
وقلت ل دكتوره سوي اي شي عطيني خليني اولد وارتاح خايفه .. قالت حرام نلعب فيج واخر شي مايفتح الرحم وان ولدج عمليه .. نصبر هالاسبوع واذا ما جاني طلق
عاد يعابلون فيني
.. .gif "Eh S(11)")
يااااارب رحمتك ♡
[CENTER]السلام عليكم بنات[/CENT
11/ 11 موعد الولاده ولا ولدة … ولا في طلق وكل شي جربته
و كذا مرا اروح تسويلي الدكتوره توسيعات وما فاد غير الحين مفتوح 2 ونص
ولي اسبوع ينزل معاي افرازات جامده وخيوط دم بس ماكو عوار ع كثر مامشيت وهببت ب عمري ما فاد معاي
عطوني حل .. وهذا حملي ال3 واول مره يصير معاي جذي
وقلت ل دكتوره سوي اي شي عطيني خليني اولد وارتاح خايفه .. قالت حرام نلعب فيج واخر شي مايفتح الرحم وان ولدج عمليه .. نصبر هالاسبوع واذا ما جاني طلق
عاد يعابلون فيني
..
يااااارب رحمتك ♡
صرت ٤ سم وظليت ٤ أيام بدون طلوق والبيبي مانزل بالحوض فطلبت من الدكتورة تولدني
لأني أعرف نفسي ماااأولد الا بعد ماتفتح الدكتورة الماي .. عموما انا مسوية قيصرية من قبل
وحنيت عالدكتورة لأن وزن الجنين بدا يكبر ومو زين لي يكبر وأولد طبيعي .. انتي انتبهي
عالوزن وشوفي دكتورة ثانية شتقولج والله يسهل عليج .. اي صج تذكرت اني كنت أشرب
حليب بالزعفران والعسل من دخلت التاسع يمكن اهو اللي فتح الرحم عندي كثثثري منه
والله يقومج بالسلامة ان شاءالله
عادي ليش مكبره الموضووع
انا اقولج ممكن حسبة الحمل فيها غلط وحمل عن حمل يفرق
ومالج يومين متأخره لا ترهقين نفسج اغلب الحريم يدخلون العاشر ويوصلون لاسبوع بعد يالله يولدون ويمكن طلق صناعي وانا منهم
و2.5 يعني ماتدرين لو تقومين من النوم فيج ولاده الحمدالله سهالات ان شاءالله لا تحاتين
اكيد الدكتورة بتحدد لج وقت دخول واذا مو فاتح الﻻحم ولا ماكو طلق بيحطون طلق صناعي مع البنج ماتحسين بالالم ان شاءالله*
عادي ليش مكبره الموضووع
انا اقولج ممكن حسبة الحمل فيها غلط وحمل عن حمل يفرق
ومالج يومين متأخره لا ترهقين نفسج اغلب الحريم يدخلون العاشر ويوصلون لاسبوع بعد يالله يولدون ويمكن طلق صناعي وانا منهم
و2.5 يعني ماتدرين لو تقومين من النوم فيج ولاده الحمدالله سهالات ان شاءالله لا تحاتين
اكيد الدكتورة بتحدد لج وقت دخول واذا مو فاتح الﻻحم ولا ماكو طلق بيحطون طلق صناعي مع البنج ماتحسين بالالم ان شاءالله*
انا جذي بولدي عوشرت ومافيني لا طلق ولا بوادر ولاده
والصبح حطيت سماعات وشغلت القران وامشي ليييين تعبت والعصر رحت لموعدي ومفتوح رحمي ومعي طلق والله يهوون عليج
اي والله مكبره الموضوع لاني حدي خايفه اول مره يصير معاي جذي ..
انا طلوقي بارده و هم مو بسرعه يفتح الرحم عندي .. بس احس هذا ماوده يطلع ع الدنيه اعوذبالله قعد اوسوس و احاتي
الحين مستمره ع الزعفران مع الحليب و الزعتر البري مع البابونج …
قالتلي الدكتوره اخر السبوع تعالي اذا ما صار فيج شي اندخلج ونولدج قصب … يارب ياااكريم
حبيبتي الله يهون عليج وتولدين بالسلامه
بنصحج جم شغله
لاجيتي اتصلين طولي بالسجوود
هالحركه اتنزل البيبي وتخليه مستعد بشكل صحيح للولاده
شغله ثانيه
احبي
احبي في البيت على قد ما تقدرين
شغله ثالثه
طبعا المشي لااازم
وانتي تمشين انزلي فاجه رجولج و ظهرج مستقيم
عارفه جنج تبين تاخذين شي من الارض
جذي
بس موحييل وبسرعه لا انزلي مباعده بين رجولج وفاجتهم عددل وظهرج مستقيم وعدي لي الخمسه واوقفي وردي امشي
لاتشربين خروع او دارسين اذا رحمج مو مبطل
راح تجيج طلوق وانتي مو مبطله مو زين
وانشاء الله تبشرينا بالولاده السهله يارب
هالرياضه ع طول اسويها .. انا متوسع 2ونص بس وبعد التوسيعات مو راضي يتوسع زياده الرحم قاسي
والخروع شربته وما فاد والدارسين حذرتني منه الدكتوره وبتعدت عنه .. بس يا بنات ذابحني المقص والغازات ف بطني و ذابحني المساك
ع كثر ما اكل فواكه و ملينات … بس الشي الوحيد الي ريحني الخروووع يا زينه يوم شربته ريح بطني احس اني خفيفه فضيت الي بجسمي كله ودي اشربه مرا ثانيه
هالفتره قعد تجيني طلوق غويه ومتباعده بالزمن الله كريم منها يتوسع الرحم
اخ اخ الغازات اذبحتني ….
انا لي 13 يوم والده وخلصت ال9 شهور وعوشرت عادي خليه لوقته
جربي الخروع قفشه على كوب عصير واذا ماجاج طلق زيدي الكميه مدام رحمج مفتوح يجيب طلق
@Lulu_gift @Lulu_gift
رحت الطوارء وقلتلهم الجاهل تعبان استغفرالله ي ربي.. جذبت عليهم
قلتلهم الجاهل ما يتحرك .. وسولي فحص وسعولي و بعد ساعه حسيت بمقص دخلوني ولاده بيحطولي تحاميل الطلق
الا لقو الرحم يتوسع ويلين الحمدلله ما حتجت لطلق الصناعي
ويسرها ربي وكانت اسرع واسهل ولاده الحمدلله ي رب ♡
وكنت طول الوقت ادعي و اقرا قراءن وتيسرت الحمدلله حتى ماخفت مع اني كنت مرعوبه ما ادري شنو بيصير معاي .. والتساهيل من الله
كل ولاداتي الي طافت في مستشفى ((العرف ))
وكنت متخوفه من الحكومي لان اول مره اجربه ..كنت منحده عليه .. بس الحمدلله نفس الشي مطورين من ناحيت العنايه والبنج و المسكنات والخياط و النفس الطيبه والوجه البشوش
وماخذيت وقت بسرعه والدت الحمدالله .. انا بالعاده اطول اقعد فوق 12 ساعه و هذي ولادتي خذت مني 5 ساعة ماشاءالله
♡♡♡♡.. ياااااارب لك الحمد والشكر ..♡♡♡♡
وانا ولدت مرتين بالصباح ولادتهم ماعليها كلام بس المشكله بالجناح خصوصا اذا ولدتي بالليل يقطونج قطه محترمه