ظل رجال ولا ظل طوفة الطوفة انفع بهالزمن

قوه بنات انا بدش بالموضوع ع طول
انا بنت جامعية ادرس اخر سنة متزوجة وعندي ياهل والثاني ياي بالطريج
مشكلتي مع زوجي واهله ماني لاقية لها حل كل يوم ريلي قاطني عند هلي انا اداوم من الصبح لين العصر ويادوب ارد من الدوام واخلص شغل بيتي اقسم بربي اني اركض ركض وما الحق والوقت يطير مني هذا وانا حامل بالشهور الاولى والدكتور يقول انتي شتسوين رحمج ليش نازل؟ تشيلين اثقال
قلت له دكتور انا ادرس وعندي ياهل ومافي خدامة
وفوق هذا ريلي يهاوشني كل يوم لو لقى شغله ناقصة بس انا والله احاول قد ما اقدر اني اخلص شغله اول بأول بس والله ما اقدر انا بشر مو آله كل شغله تمام
وفوق هذا من تزوجنا عمري ما طلعت معاه واذا شكيت لأمه تقول والله تتشرطين بعد ماعندنا رياييل يودون حريمهم ؟؟؟؟؟؟؟؟؟؟ عندج السايق
وجمعية مو دايما مرات امي تشتريلي اغراض ثلاجتي ومن تزوجت للحين صارلي سنتين انا كل شهر عند اهلي اسبوع واسبوعين بعد الطق وجسمي كله كدمات من راسي لصبع ريلي وكل مرة يجون ويردوني ونفس الشي الشهر اللي بعده انا عند اهلي انا يعطيني مصروفي واشتري لبنتي من مصروفي وانا ادرس يعني المصروف حده ما يكفي شلون اشتري لبنتي ملابسها اكلها والله ما الحق واذا قلتله نروح السوق انا ووياك يقول انا ما احب السوق وهو كل يوم قز بالاسواق ومغازل وطيحان حظ

وبشهر واحد انطقيت مرتين المرة اللي طافت ليش عشان جهازي مغلق وانا بالدوام والحين طاقني علشان انا مو مرتبة دخل علي معصب بعد التشييش وجاني شايل سيفه دخل وطقني قلت ليش جان يقول ليش حاطة شباصتج ع التواليت؟؟؟؟؟؟؟
قلتله عادي شنو المشكلة قال عادي فبيت اهلج والحين جسمي كله كدمات نفس المرة اللي فاتت والحين انا عند هلي وهالمرة مالي نية رجعة والسبة ان مو هو اللي قالي روحي لهلج امه قالت له ما تقعد اهني وتبي تطلقني منه؟
سويت تقرير امس بالمستشفى بوديه للمخفر خلاص بس شوي نادولي استشاري ونصحني يابنتي خلج من هالمواضيع والله اغلب الحالات تنتهي بنهاية مأساوية ورجعت عن قراري شرايكم شسوي؟
ارجعله والله تعبت منه ومنهم المشكلة ريلي مايحل ولا يربط خيط ولا يسوي شي ماكو شخصية كله بيد خالتي قماشة

وآسفة طولت عليكم بس والله تعبت والله