تخطى إلى المحتوى
الرئيسية » عادي الوحدة ما تسوي هالشي حق الولادة

عادي الوحدة ما تسوي هالشي حق الولادة

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم
بنات انا هذه ثاني ولادة لي الله يتمم ويسهل علي يارب اول ولادتي كنت بجر وما اعرف اي شي عن التجهيز ولا كنت اعرف هالمنتدى فامي جهزتني تجهيز حريم قبل صج ويوم ولدت احس وايد اشياء انقصتني حتى اذكر كل شوي داقه على ريلي ومخليته اييب لي شي

هالمرة قلت بجهز امبجر ان شاءالله من 4 بجهز لان انا اعرف نفسي من السباع ماراح اقدر اطلع من البيت يصير فيني زلال واملاح وانا مو خفيفه الي عالشان حركتي تكون سهله

بس الحين الي قاعدة افكر فيه
التوزيعات محتارة فيهم وااااااااااااااااااااااااايد اسوي شي عادي ويكون سعره زين ولا ما اسوي لان الميزانية الي عندي يدوب حق الولادة والتجهيز وداشه بجمعيه حق عقب الولادة الصراحه قلت بعدل فيها جسمي
انتو شرايكم التوزيعات ضرورية امي تقول لا عادي
وانا مادري اقول فشله
اختي تقول لو توزعين الذهب الناس ما يعجبهم خسارة عالفاضي
مادري محتارة لان بعد وراي حلو وغير الاستكانات وهالخرابيط

14 أفكار بشأن “عادي الوحدة ما تسوي هالشي حق الولادة”

  1. المظاهر مظاهر ومهما الوحده تسوي لابد من تعليق وغيره انا اقول الفلوس اللي بتقطينها على خرابيط وناس يعجبها وناس لا خليها لج ولطلعتج من ال40 انشاء الله

    وسوي شي بسيط او اشتري الجاهز ويكون ناعم وسعره معقول ولله يتمم عليج ويقومج بالسلامه



  2. والله صح كلامكم
    لان اخليهم حق عقب الولادة احسن لي والحين بعد بييب لي خدامة كله يبيله ميزانية الله يسهل يارب



  3. الله يهون علي وعليج يارب وتكون ولادة سهله ميسرة لي ولج ولجميع الحمل يارب

    شوفي حبيبتي من وجهه نظري لو تطالعييين الناس تتعبين والناس فعلاً لو شنو تسوين محد يعجبه ناس تذم وناس تمدح من جذي شوفي انتي شنو اريح لج وانسب لج

    ومن راي هدرو فكره التوزيعات صارت بايخه وقديمه والله ناس اعرفهم خير ونعمه ولاتوزيع ولا شئ ولا حتى الغرفه تكون الوسط مو الكبيرة حيل واوفر

    اهم شئ يكون كفرج ناعم وحلو بنفس الوقت / 3 مواعين حلو وكل ماكون حطي فيه نوعين من الحلو / ورد ناعم وحلو وراقي حق الغرفه

    واذا تبين توزعييين يا شاي او عصير وفي ناس وايد مشاء الله عليهم ما يوزعون عصير كفايه الشاي الاحمر والاخضر والماي يكون بقلاصات الصغيرة الجاهزة اريح واحسن لج

    وانا ان شاء الله مفكرة جذي حلو وشاي وقهوة واذا بحط معجنات يمكن على الاستكانه يمكن بعد مو اكيد وبس حلو 3 مواعين وكفري وخلاص اهم شئ انا ولادتي مرتاحه فيها

    وهذي الفلوس اللي بقطها الزايده اخليها حقي وحقي البيبي احسن لي

    وارد اقولج مالج شغل بالناس اهم شئ انتي وراحتج محد بينفعج ترا

    أسفه على الطاله



  4. اقتباس:
    المشاركة الأصلية كتبت بواسطة + gloom +
    المظاهر مظاهر ومهما الوحده تسوي لابد من تعليق وغيره انا اقول الفلوس اللي بتقطينها على خرابيط وناس يعجبها وناس لا خليها لج ولطلعتج من ال40 انشاء الله
    وسوي شي بسيط او اشتري الجاهز ويكون ناعم وسعره معقول ولله يتمم عليج ويقومج بالسلامه

    ام مع كلامها وعلى فكرة
    انا التوزيعات بسويهم بنفسي
    انا باول ولادة شريت لي استاند غالي 120 والله حتى شكله حلو نفس البيت وفيه ليتات
    انا قلت راح اغير من الون واصبغه بالرش بالوان ثانية
    وراح اشتري شغلات من بو 100 فلس اشحلاتهم والكاكاو اشتري من اي مطحنة
    الصراحة ماني متخسرة وايد
    واوفر بعد



  5. اذا في ناس بيونج او رفيجاتج لا سوي
    واذا تبين مكان حلو واسعارة حلوة بحولي مجمع الدبوس الي يم مستشفى دار الشفا الي فيه مطعم الستينات

    في تحت بالسرداب يصممون الي تبينه الستاند مع الككاو واغراضة ب85دينار لقيته حتى مواعين التقديم تلقينها اهناك وارخص
    من بياع الورد



  6. ..,, اي شي بخاطرج سويه "
    واذا ماعندج ميزانيه لاتكلفين على نفسج لانه الناس ان سويتي شي حلو او مو حلو الانتقاد واصل

    \



  7. شوفي انا بولادتي ببكري تكلفت مره كنت شاريه بس حلويات وتوزيعات كلفت علي 1700 ريال والله مااحد جاني الا بعد عشرين يوم من ولادتي لا ويتصلون قبل يجون بساعه خسااااااااااااااير ع الفاضي وهالمره قلت خلاااااص توبه استفيد من هالفلوس بشي ثاني خصوصا ان الحين الميزانيه ماتسمح ابدا لاني بستاجر شغاله وعندي ارتباطات فأنتي ريحي راسك وخليك على الحلو بس وباقي الفلوس استفيدي منها لك بعد الولاده حق التصبغ والقص والتزين حق زوجك



  8. اذا هالشي بخاطريج حيل سوي شي خفيف ومومكلف
    يعني اشتري ستاند بسيط وحطي فيه كااكاو للتوزيعات اذا تبين عندي محل يسويلج استاند مع الكاكاو ب 25 واذا كاسرتيه ينزل بعد

    والاستكانات من مجمع بيروت او المحاميد تحت وااااااااااااايد حلوين ورخاااااااااااص مو اكثر من 20 دينار
    وعندج محل بياع الورد عندهم شكر وماي لقااح تشتري كميه وايد اقل من 10 دنانير سطلع عليج
    يعني ماراح تقطين ع التجهيزات وااايد
    موشرط تسوين شي اووفر لان ميزانيتج ماتسمح
    وانا الصراحه ضد هالشي حلاته كاكاو ماكنتووش لوووول ولا بعد يعجبهم ومايعجبهم
    ,,,



  9. حبيبتي الله يتمم عليج ويسهل امورج

    والله انا بعد مع البنات التوزيعات حلو ه انج تسوينها بس بعد اذا ميزانيتج ما تسمح مو شرط

    ولا تنسين البناس بتييب كاواكاو

    اذا زارتج وفي شغلات بسيطه وعلى قولت البنات النااااااااااااس والله الناس ما يعجبها شي كلللللللللش

    وشوفي بنات المنتدى ترا شغلهم حلو وفي الرخيص وفي الغالي

    والله يووووومج بالسلامه



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.