عرس او استقبال؟؟؟ قبل او بعد السفره؟؟؟

انزين اللي تسوي عرس لازم تسوي استقبال؟؟؟
وحبيبتي انتي شوفي اللي يريحج وحسبيها عدل واذا ميزانيتج تسمح تسوين عرس بفندق سوي واذا مالج خلق القيل والقال سوي شي محفوف بالبيت وسافري وعقبها استقبال

على حسب ..

تبين تلبسين نفنوف العروس الابيض و طرحه و مسكه و تكون لج دخلة عروس وكوشه و صور الخ .. سوي العرس و سافري .

و اذا ما تبين الناس و شرهتهم و تبين حفله محفوفه .. سافري و سوي استقبال تالي .

و اللي بتقطينه على العرس ترى تقريبا نفس اللي بينقط على الاستقبال .. و الفندق يحسبون على الاكل بالنسبه للشخص .. و حتى لو بتييبين منهم بوفيه لاستقبال البيت بيطلع نفس التكلفه لو ذار بالفندق .
فبرايي الفنادق احسن للحفلات .. الا اذا بيتكم في مكان او قاعه كبيره و صوبه مكان للسيارات يصفطون و عندكم مكان للدي جي و للاكل و مطبخكم يستوعب التقديم و حوسته .. سوي في بيتكم .

والله برايي يا اختي انج تسوين عرس لانها ليلة بالعمر وحلم كل بنت تلبس النفنوف الابيض مع الطرحة والمسكة وعندي السفر اقدر عليه بأي وقت لان انا زوجي خيرني يا عرس او سفر لان اثنينهم يكلفون فاخترت العرس لان حلمي وانا صغيرة البس نفنوف عروسة وبعد سنة من زواجي زوجي عوضني بسفرة مو طبيعية … بعدين عشان تاخذين راحتج بالسفر من ناحية السوق لانج اذا سافرتي وانتي عروس ما راح تشترين كل اللي بخاطرج لان توج مجهزة وتستحين تطلبين وايد من ريلج >>>>تفكير شيطاني

على هوووووونك وقول شفيك يا رااااااشد … عيوني لك وعنك عيوني ما رديت

حبيبتي انا رايي من راي امج

سافري واستانسي
بعدين سوي استقبال كبير بالبيت وعزمي اللي تبين وخليه بدون دخلة معرس وبدون كوشه وحوسي وقومي وقعدي مع هذي سولفي مع هذي وخليه استقبال راقي بدون دي جي وبوفيه حلوو بس كشخي اااااخر كشخه لبسي بدلة سهره فخمه ورزه وكشخه لون اوفوايت عشان تصيرين عروس صج وحطي بتسريتحج تاج بسيط مال العرايس بس يكون ناعم وذرب

او اذا انتي مملوجه وخالصه وماسويتي حفلة ملجه سوي استقبال بدي جي عشان تبردين على قلبج وما تقولين حسافه ماسويت حفله مااستانست وعليج بألف عافيه

انا رايي لا تسوين عرس مايسوى تخيلي الفلوس كلها اللي تقطينها حق الناس ماكو شي حقج

هلا حبيبتي نصيحه مني سوي عرس و لا تتردين ترى بالعرس راح تحسين بأحساس ثاني انا لو يحصلي اسويلي عرس مره ثانيه اسوي لأنج حزته راح تحسين بأحساس غريب حتى ما تعرفين تعبرين عنه شي اكبر من الوناسه و انصحج العرس ما ينفع في بيت يا صاله يا فندق بس المهم مو في البيت

و بعدها سافري و اول ماترجعين سوي حفلت استقبال و استانسي فيها

انا سويت مثل ما قتلج و فعلن حسيت بوناسه و حسيت بحساس ثاني و عقب ما راديت من السفر سويت حفلت استقبال ناعمه و حلوه لأني سويت عرس فما حطيت ديجي و هسوالف ناعم و بسيط و بوفيه يسوى و هسوالف

و موفقه حبيبتي

الف مبروك

اقترح

تسوين عرس

لان السفر تقدرين في اي وقت

لكن العرس اذا راح ماتقدرين تعيدين الزمن عشان تسوين عرس

خاصا ان بدله العروس راح تكون بخاطرج…. تحسين فيها بعدين اذا دخلتي عرس تقولين جان زين سويت عرس

اما في فندق او في بيت هذا يعتمد على الميزانيه

حسبي معازيمج .. بعدين جيكي على الفنادق

و اللي ترتاحين له سويه

تقدرين ..في حاله توفر مبالغ طائله

سوي عرس

و اسافري

بعدين سوي حفل استقبال

اما اذا الميزانيه حدها حدها

عرس

و خذيلج ليلتين في الفندق

وكان الله غفورا رحيما

بالتوفيق

منه المال و منج العيال

حباييبي مشكوووورين

انا شكلي بسوي عرس

بس امي تقولي سويه بالبيت مالنا خلق بالفندق وتشرهه خلق الله

شرايكم بنااات؟ الحين شلون ابدي بالترتيبات؟؟

ماعرف شسوي؟ ابدي بالمدرجات ؟ ومنو تعرفوون يرتب الصاله او السرداب ويحطلي مدرجات وهل معاهم الكراسي الملبسه؟؟؟

ماتعرفون شركة شغلهم حلوووو ادقلهم اييون البيت يشوفون المكان

او شلوون الطريقه بليز للي تعرف

وشكرا