عروس ومتوهقة بتقسيم المهر دشي ضرووووري

شريتو الذهب وخلصتو

روحي طيران شوفيلج بدله (نفنوف عرسج)

تبينه خياط ولا جاهز
انا بالنسبة لي ما أايد الأجار أبداً إلا إذا لقيته بسعر مغري يعني 150 أو 200 بالكثير

أما إذا 1000 أو 1500 أو 800 أو 750
لا والله أشتري النفنوف حقج مقج تلبسينة متى ما بغيتي
لا تقولين يطيح بجبدج شحقه يطيح كفاية اسمه نفنوف العمر

بالنسبة للمحل الي تشترين منه النفنوف عندج ليلى جالاري فيه كل الأذواق
وتلقين صناعة أمريكية وفرنسية ولبناني وتلاقين خياط بالكويت تفصال كل شي

بس إخذيلج عصرية كاملة روحي من ال4 أو 4 ونص
وإخذي راحتج بالفرارة حتى لو تقعدين لي 8 أو 9 بليل
المهم تلقين النفنوف الي على ذوقج

أو إذا انتي تحبين سوالف مصممين
(آسفة ما أقدر أفيدكم وين أحسن إتليه إن شاء الله البنات يفيدونكم)
بس إلي أعرفة إن الجسمي تصميمة روعه

بس أرجع وأعيد وأقول بعدو عن الإيجار إذا كان مكلف

انا عندي هالمرحلة وايد مهمه لأن إذا ما ضبطت راح تخرب المرحلتين الي قبلهم

المكيااااااااااااااج والشعر

ماتدرون يا بنات شكثر مهم جداً جداً إنكم تحطون مكياج يناسب لون البشره والويه
وإن التسريحه تكون مناسبة لموديل النفنوف وطول المعرس

أو إن وحدة حاطة لون الفاونديشن ماله علاقة بلون بشرتها
تبين جنها صابغة عمرها

وصدقوني مع دشة العروس وخرعة العرس خوفج يسيح شوي المكياج
(راح يبين بالتصوير)

وين أحسن الأماكن بالنسبة للمكياج

إهني مسأله الذوق تبيدي تطلع

بالنسبة لي

لا يعلى على ميك أب ""دلال العرادة""
بالمناسبة بنات إهيا مو مالت ليلى هارموني

إهيا ما عندها صالون تييج لي البيت تحطلج مكياج
وأسعارها وايد حلوة ومو خسارة فيها ولا فلس تقطينه عليها
يعني غمضي عيونج وخليها تاخذ راحتها

بس راويها بدلتج وخليها تبدع

وبالنسبة للشعر في وحدة اسمها سوسن هم تيي لي البيت تسويلج شعرج
هم شغلها قمة وراقي وتسريحاتها ما تأذيج من كثر الماشات وتصدعين

والي تبي أرقامهم تراسلني على الخاص لأن جنه ممنوع نحط أرقام بالمواضيع

وبعد من الصالونات الي شغلهم ناعم وراقي آلاء دشتي

انا ما احب الميك أب الثقيل
بس من الي أشوفه البنات الي ذوقهم يحبون الثقيل
وايد يمدحون حنان دشتي للأمانة ما جربته عشان أحكم

أتمنى بنات إنكم تقدمون إقتراحاتكم للميك أب والشعر عشان باجي البنات يستفيدون

وين مكان الحفلة هل بسوونها في بيتكم ولا بقاعة ولا بفندق

ولا راح يتكفلون فيها أهل المعرس

إذا راح يتكفلون فيها أهل المعرس عيل خلصتي من المصروفات المهمه بالميزانية تبدين مراح التسوق

لكن إذا اهلج بيتكفلون فيها عيل كملي قراية الباجي

إذا بفندق وايد مريح لأن السيرفس والبوفيه من عندهم (لكنة مكلف جداً بالنسبة للي ميزانيتها محدوده)

إذا بقاعة (إيجار القاعة مناسب لأنه ما يزيد عن 300 دينار)

إذا بالبيت خلاااص مرتاحة من أجار قاعة الحفلة

صواني التقديم تقدرون تشترونها

وتقدرون تكونونها من أكثر من مكان

عندكم الشلاحي وسنتر بوينت ودومو

أو إنكم تأجرونها من نفس المحل الي بتشترون منه الكاكاو

ومن وين تشترون الكاكاو يرجع لحسب ذوقكم وميزانيتكم

عندكم سلفرينيا و روشية و لاديراخ و فوشون و ألبينا و غراوي و لادوريه

وفي بعد وايد محلات إذا ذكرتها راح أكتبها لكم عقب وهم إن شاء الله البنات ما راح يقصرون

وايد محتاجين هالنصايح

نبي نصايح شلون نعامل اهل الزوج اللي دمهم ثقيل

اليوم الجو حده ضباب

صارت الكويت مدينه الضباب هههه خنعيش روحنا جو لندن شوي

الحين ببدي أتكلم عن تجهيزات العروس الخاصة

شنو تحتاج شنو ما تحتاج

شنو الضروري والي مو ضروري

نطروني شوي وأحطه لكم

ومشكورين بنات الي تفاعلتو مع موضوعي
من جد استانست إن في أحد قاعد يستفيد منه

وما قصرو البنات الي قاعدين يتابعوني