عرووووووووووس واستلمتي الدزه شاركينا

شدعوووووووه
لازم تقولين مهرج شكثر علشان نعرف شكثر باقي لج وعلى اي اساس قسمتي

وتدرين انه المتفرقات على قولتج بتصرفين عليها اكثر من اللي كتبتيه

حبيبتي صاحبة الموضوع

يمكن انا كتبت شكثر بهالموضوع وقسمت لحد ما تقسم مخي

اول شي مهرج جـــــــــــــــــــم

رتبي اولوياتج
اعزلي فلوس حق النفنوف والمسكه والمصوره والدخله والصالون وخشيهم وانسيهم

الباقي
قسميه
من وجهه نظري
اذا تحبين الذهب وتلبسينه اخذي لج تناتيف
اذا ما تحبينه منتي ملزومه تشترينه اصلا لاني قبل جم يوم رحت اشتري خاتم مع اسوار
30 جرام لقيــــــــــــــــــتهم ب 650 دينار
والله جنهم قراطيس ولاعت جبدي وقلت ما ابي ذهب
شريت فضه والماس جم قطعه خواتم لاني استهلكم يعني شريت شي احب البسه

بالنسبة لي استغليت فترة التنزيلات
ابتدي بالاشياء اللي تستخدمينها بالبيت
بجايم قطن
ملابس داخليه
دراريع قصار
بديات وبنطلونات وشورتات
قمصان نوم
هذوووووووووووووووووول بس بيكلفونج اذا انتي مقتصده فيهم حول 600 دينار

اكسسوارات الحين كله تنزيلات على الاكسسورات وايد حلوين وتستهلكينهم

النفانيف الطويله حق الطلعات الخفيفه اخذي 3 او 4
هذه الاشياء موديلاتها ما تتغيررررررررررررررررر وثابته

————————————-

اذا فيج شي محتاج ليزر سويه من الحين

بشرتج محتاجه علاج ابتدي من الحين
جسمج محتاج تصفيه وتوحيد ابتدي من الحين
واخسري على جسمج هذا اهههههههههههههههههههم من الهدوم كلها

——————————————-

خصصي مبلغ للبدلات حق الطلعات
على الاقل يكون عندج بدلتين استقبال يكونون كشخه تفصال او جاهز براحتج

—————————————–
مبلغ خاص بالجواتي والجنط

—————————————-

مبلغ خاص بالمكياج والعطور والبخور واللوشنات وبرايي ما يتعدى 500
ولا تكثرين عطور ترى بتلوع جبدج منهم

—————————–

ما فصلت لج الموضوع لانه يبي له شغل وانا كاتبته برد من قبل على موضوع
بدوره واحطه لج ان شاء الله

نصيحه اخيره

لا تكثرين ملابس وتكودين
ادري كل شي حلو
بس الدنيا مو طايره

واول طلعاتكم كلها بتقزرونها على السوقه والمطاعم
ويمكن تحملين من اول شي وتبقى هدومج مكانها
وتروح موضتها على ما تولدين

فاخذي كل شي بتوسط موفقه قلبوووو