تخطى إلى المحتوى
الرئيسية » >>>> عقار جديد يغني عن عمليات جراحة السمنه <<<

>>>> عقار جديد يغني عن عمليات جراحة السمنه <<<

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

بسم الله الرحمن الرحيم

صباح الخير أحلى كويتيات ..

كنت بجمعة حريم و فيه وحده من الحاضرات مسويه عملية تحزيم المعده و تتكلم و هي متحسفه انها سوتها ..

و تكلمت عن دواء يجي مثل البودره نخلطه بدواء ثاني مع شوية ماي و نشربه و يتحول لــ كتلة هلاميه ( مثل الجل ) داخل معدتنا

تحسسنا بالامتلاء و الشبع وما تسمح لنا بالاكل الزايد حالها حال عمليات التحوير و التدكيك و غيرها ..

و هالكتله تجلس بالمعده شهر و نص تقريبا و تذوب و تنزل مع البراز أكرمكم الله .. طبيعي من تلقاء نفسها

و سعر هالدواء بحدود 280 دينار كويتي او اتوقع اقل مو ذاكره بالضبط .. بس هو لازم طلبيه من امريكا يجيبونه عن طريق الفيديكس او اي شركه ثانيه ..

بنااات ارجوووكم .. اذا سمعتوا فيه فيدوني الله يوفقكم ..

المشكله مو قادره اوصل لهالحرمه و اسألها .. و سويت بحث بقوقل و ماكو فايده ..

تكفووووون ..

الوسوم:

12 أفكار بشأن “>>>> عقار جديد يغني عن عمليات جراحة السمنه <<<”

  4. imilla
    الرد
    تسلمووون لمروكم العطر بنااات

    اختي شمعة الجلاس .. ايه قالوا لها البنات نفس كلامك و قالت ان الدواء مكوناته نباتيه من لحاء الاشجار الصمغيه و الصبار و هالطقه

    يعني مواد طبيعيه .. بس مشكله الكل ناسي هالدواء و حتى خواتي ما يعرفون رقمها و البحث لازال جاري

    و انا مو قادره اصبر ههههه قلت اشوف الكويتيات يمكن عندهم علم ..

  11. kouka
    الرد
    السلام عليكم
    حبيبتي انا سويت سيرج وبحثت لقيت انه ما منه فايده
    اول وحده جربته وهذا ردها بمنتدي ثاني
    (
    هلا بنات للاسف ماقدرت اكمله ما كملت اكثر من اسبوع ماقدرت اتحمل الطعم استغفر الله سويت كل شي بس ماقدرت عالطعم المشكلة ياريته ملعقة او 2 او 3 الا كاس كبيير مره وياريته شرب لا لازم بالملعقة وانا ما تحملت )

    يعني طعمه كريه وثانيا لقيت بمنتدي ثاني كاتبين انه الشركه حاطين بالعقد انه اذا المنتج ما جاب نتيجه
    مع المشتري ما يحق لك انك تتكلم عن المنتج بالسوء والا راح يقاضونك

    اتوقع انه مو شي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.