علاقتكم اليوميه ومسؤلياتكم ,,,

مرحباااا

/
/
/

اول مره اكتب موضوع بهالقسم بس من اكثر من رد للبنات في الحياة الزوجيه ودي نتناقش بشكل جدي ونشوف كل وحده شنو رايها بالموضوع

سالفه ان هذيل عيالك انت تتكفل فيهم ,, مو عيالج انتي بعد !!

ما اقول اهو يشيل ايده وماله شغل بشي بس هل كل شي بحط هذي مسؤليتك وهذي مسؤليتي ! احس الحياه بتصير صعبه
وكل واحد يحاسب ويحط حدود لمصرفه

ماني ضد فكرتكم او انا الصح وانتو الغلط! لا والله بس انتوا اشلون وضعكم ؟ هل لي صار عنده مبلغ فكر يهديج شي قوي

او يبديج على نفسه لان احس لو بتعامل بالطريقه الي تقولونها بتصير بينا حواجز!

يعني مثلا .. لو خلص حليب ولدج او في شي ناقص بتنطرين لين يرجع او تعكرين طلعته عشان هالشغله ( طبعا الشغلات الي تكونين تبيها الحين الحين ما تتحمل التاخير ) او تبادرين وتشترينها

لاني بصراحه استغرب من ردود البعض هذا ولدك اصرف عليه اكيد بيصرف عليه ما اقول انا شايله مسؤلية العيال لا بس اذا زوجج عليه مصاريف المدرسه والمبلغ السنوي مو هين وشايل مصاريف البيت وانا اشتغل لو شلت زوجي مو عيب طبعا اتكلم عن الرجال الي يستاهل الي يقدرج ويعمل حسابج

ممكن كل وحده شايله ايدها من البيت وعياله ( مو عيالها لان استغرب من هالكلمه ) تقولنا تعامل زوجها هل لي احتاجت عانها وعطاها ولا يشيل ايده اهو بعد ولا تحتاج انها تطلب منه عشان يعرف ولا اهو وياها واااحد انا اعطيك واحط في بيتي مثل ما اهو بيتك

طبعا اتكلم عن الرجل الطبيعي الي معاشه نوعا ما زين وعليه اقساط سياره او قرض وعنده معاش خدم او عليه اجار شقه مو تدخل وحده راتب زوجها قوووي وتقول عليه نتكلم عن المستوى المتوسط والطبيعي لان اكيد بيفرق

هل معقول اقصر علي بيتي عشان بس يعرف الرجل مسؤليته !