علاقتي برب العالمين .

السلام عليكم ورحمة الله وبركاته

هذى اول مشاركه لى في هالقسم ولى الشرف ان احط اول مشاركاتي واتمنى تستفيدون منها وتفيدوني ………

من عمري 13 وكنت اتمنى زوج ملتزم كنت امر في ظروف محد يتحملها وكنت اتمنى اكون شي له معنى احب الدراسه بس للأسف ما كملت اللى بقوله علاقتي مع رب العالمين
قبل سنين طويله ايام زواجي من ابو بناتي احب الحجاب بشكل مو طبيعي وكنت اصلي ومازلت لله الحمد احصلت معاي امور تثير الدهشه اقسم بأيات الله ان ما ابالغ وهذى اول مره اقولها لأي خلوق كان طليقي يستهزء بالحجاب وكان يكرهه بشكل مو طبيعي كنت اصلي يعيب علي لان كل مايدش يلاقيني اصلي لدرجه انى ختمت القرآن ولا يقولي ( اشدعوه عاد رابعه العدويه ) كنت تونى مخلصة صلاتي ولا اطنشه واروح اطل من الدريشه واطالع السما وقعدت ابجي ولا اقول لرب العالمين يارب ان كنت راضي عنى ورني دلاله بمنامي وغمضت عيني كانت السما صافيه والجو بارد والله ثم الله ان اشوف نجوووووم لا تعد ولا تحصى فجأة ارتجفت ولا انادي طليقي تعال بو.. شووف والله انه اخترع السما ولا يرد اقول بلا خزعبلات ولا اقوله وانا مصدومه انا كنت ادعي ربي ولا يضحك سكت حسيت ان في قلبي امور حلوه بس مدفونه ربي حط في قلبي حب لله وحده لا شريك له ومن بعدها ابتدت معاي الاحلام اقول بعض منها لاني مو قادره انساها شفت رؤيا ان واقفه واطالع السما ولا تنفتح وتنزل بين ايدي اوراق مثل الشفيفه مرصعه بالذهب وانه هذا القرآن نزل على ايدى كلها ولا آخذه وحطيته صوب قلبي…
امور وااااايد وربي عطاني احساس قوي
احس بالشي قبل لا يصير لدرجه ان قمت اخاف
من نفسي
ياما انظلمت من اقرب ناسي ومايطوف على قهري الا وسمعت فيهم شي وربي ما ادعي غير ان كنت قبل لا انام اقول ( اللهم انى غفرت لكل من ظلمنى ) ودوم مواظبه على اذكاري وصلاتي
ولله الحمد عمره ربي ماخيب رجاي دوم ادعي ربي اهديني للحجاب اتمنى
بتقولون ليش ما اتحجبين شنو مانعج اقول ان مره اخوى الله يسامحه طقنى بالعقال عشان الحجاب من اهنى كرهته لان الدين يسر مو عسر

وانا الحين ان شاءالله عن قريب بتحجب عسى الله يثبتني ويجعلنى من عباده الصالحين
علاقتي مع ربي قوووووووووووووووووويه
والله بنات احس بدمعتى لما تنزل احد يمسحها خاصه ان انظلمت وايد تونى اجهضت وربي ما ادمعت عيني لان ربي قدر وماشاء فعل وربي حاب لى الخير وزوجي قال بيتزوج باركت له ولا ادمعت عيني قلت هذا نصيب قالي بطلقج قلت روح الله يسعدك علاقتي بربي خلتنى قويه حيييل عندى ثقه بنفسي ان كله مكتوب
حبيباتي من قلبي والله احبكم في الله اتمنى تقبلوني بهالقسم….
وادعولي بالثبات عساني ما انحرم منكم
اختكم ( ام فجر )