عمرى ماهلبس النقاب لو حتى شنقونى

السلام عليكم
طبعا اللى داخلة وقرت العنوان وداخلة تسقف للى مش هتلبس النقاب ولو حتى شنقوها دى
تركز معايا عشان هكيلكم قصة قبل النوم
فى يوم كنت فى الكلية
وكان فى بنت انا بتكلم معاها على النقاب
وعلى حكمه
قلتلى انا هقولك على حاجة
انا فى عيلتنا عندنا خالتى دى الكبيرة اللى اخت ماما الكبيرة تقريبا كبيرة العيلة
بناخد رايها فى كل حاجة
فى يوم ماما حبت تلبس النقاب
خالتى دى قالتلها ليه تلبسيه خليكى كدة عادية
محترمة ولبسك محتشم والكلام اللى انتوا عارفينه وبعدين فعلا ملبستهوش

بعد كدة فضلة خالتى دى تصلى وتتقرب من ربنا وفيوم واحدة دعيتها لحضور زفافها
قالت بس انا مش عاوزة اروح عشان فى اغانى ومعاصى
خلاص هروح اراضى البنت وامشى على طول
المهم خالتى راحت فعلا واخدت حفيدتها معاها
المهم اودام كارفور عملت حادثة وماتت هيا والبنت
بعد كدة
حلموا بيها
انها فى الجنة
وجاية لاختها فى رؤية
بالنقاب
قالتلها طيب هو انتى ليه لبسة النقاب انتى مش قلتيلى بلاش البسه؟
ليه انتى لابساه دلوقتى ؟
قالتلها اسمعى بئا الله يباركلك بودن قلبك
{انا الحمد لله ربنا كرمنى بالجنة بس لقيت المنتقبات اعلى منى فى الجنة
مش هقول اكتر من كدة وكفاية
ان حبيبة النبى صلى الله عليه وسلم كانت منتقبة
السيدة عائشة
وطبعا هو مفيهاش كلام لان النقاب
فرض
انتى عارفة ليه لان الدين بتاعنا عاوز يسترك عن جميع البشر
عشان انتى عزيزة اوى
مش اى حد يشوفك
مش اى حد يسلم عليكى
مش اى حد يتكلم معاكى ويسمع صوتك
عارفة لما يكون واحد معاه تفاحة هيروح وسط ناس جععانين ويقعد يقشر فى التفاحة ويزينوا ويحطه فى سلة شكلها حلو ولا هيخبيه
ولما هو يخبيه يبقى عشان مش بيحب التفاح ولا عشان يحافظ عليه
انتى بئا مش تفاحة انتى جوهرة
خليكى عزيزة بالنقاب
والله دة احسن حاجة فى الدنيا
تعرفوا والله انا ساعات البس النقاب والملحفة وافضل ابص على نفسى فى المراية
اقسم بالله انا ساعتها بحس انى
ملكة
لابسة تاج
مش اى حد بيلبسه
مش عارفة اقولكم ايه اكتر من كدة
والله العظيم النقاب مش زى ماانتوا مفكرين لالالا
دة جميل اوى
ستر المراة العفيفة
والله العظيم بحبكم فى الله
سبحانك اللهم وبحمدك اشهد ان لا اله الا انت استغفرك واتوب اليك