تخطى إلى المحتوى
الرئيسية » عملية تحويل مسار المعدة أحد سمع عنها ؟؟؟

عملية تحويل مسار المعدة أحد سمع عنها ؟؟؟

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم ورحمة الله وبركاته
عزيزاتي الرجاء إعطائي كل المعلومات عمن أجرت عملية تحويل المعدة لأن الدكتور مصر أنه يجري لي العمليه وأنا خايفه منها .

تكفون أعطوني رايكم مع العلم أن وزني 137 وطولي73
وأعطاني موعد يوم الأثنين الجاي كنت أبي تحزيم بس رفض وأصر أن هذي العملية أفضل من التحزيم .
أبي أشوف إذا أحد سواها تعرفونه أفيدوني جزاكم الله خير .

الوسوم:

14 أفكار بشأن “عملية تحويل مسار المعدة أحد سمع عنها ؟؟؟”

  1. مريم
    الرد
    السلام عليكم

    حبيبت سوي ريجيم ولا تسوين تحويل معدة

    لانج راح تتعبين وووووووووووووايد حرام

    من عمليات الريجيم ياما ناس ماتوووووووووووا

    اووووووووووووووووووووووووكيه

    والسلام

  2. amira
    الرد
    السلام عليكم ورحمه الله وبركاته اختى انا والله ما اعرف احد سواها بس نصيحه لوجه الله لا تسوينها الا في امريكا او لندن وغير هذا ديرتج احسن لج وخاصه الدكتور الجارالله وزير الصحه السابق رجال متدين ويخاف الله ومسوى تحزيم معده لكذا وحده وهم يمدحونه جدا مصر على سوريا حصل وفيات كثيره لمرضى كويتيين من الرجال والنساء بسبه قلت الخبره والمخدر فاحترسى ديرتج آمن لج وانتى لج الخيار انا نصحتج لوجه الله وحده والله يشافيج ويعطيج العافيه

    اختج موج

  3. khouloud
    الرد
    مشكورة أختي أم علاوي على النصيحة بس أنا ماعندي ارادة وفعلا تعبت ماأقدر اتحرك بسهولة .

    أختي موج يعطيج العافية على النصيحة بس أنا عند الدكتور محمد الجارالله وهو اللي ملزم على العملية وهو يقول انها افضل لحالتي من التحزيم.

  4. chichaki
    الرد
    هلا موج انا ياوخيتي مثل معاناتج يعني مثل وزنج الا شوي بسيط رحت لمحمد الجارالله وكنت ابي تحزيم معده وقعدت معاه وقعد ينصحني ويعلمني ويفهمني ان التحوير احسن واضمن يعني سوالي كل الاغراءات حتى قالي بثلاث شهور تقطين 30 كيلو وطبعا كان معاي زوجي وشرح لنا الفرق بين العمليتين انا لمن شرح التحويل خفت فيها قص وخياط وبلاوي وتعيشين طول عمرج على حبوب الفيتامينات وحبوب ثانيه لان خلااااااااااص ماكو معده تقوم بدورها الا اللهم جزء بسيط من المعده صغيييييييييييييييير

    رحت البيت واستخرت فاصريت على عملية التحزيم لانه مافيه تغيير في خلق الله والمعده تقوم بدورها وموحلو نلغي دورها اللي هو افراز عصارة البنكرياس اللي تساعد على هضم الاكل و
    الحين صارلي اسبوعين مسويه التحزيم والحمدلله نازله 8 كيلو
    بس …….ترا التحزيم يبيله ريجيم ويبيله صبر وقوة اراده

    بالنسبه للتحزيم انا كلمت سكرتيرة الدكتور وراوتني بنات اوزانهم كانت مثلي ومثلج والحين ماشاءالله الله يهنيهم بالسبعينات مع الاراده والصبر
    على فكره ماراح تحسين بالجوع ابدا

    ديري بالج من التحويل لاتسوينه بصراحه يخرع
    واذا استخرتي ونويتي ترا دكاترتنا هنيه من اروع اكفأ الدكاتره ماله داعي تروحين بره لانه ماعندهم مصداقيه باللي يسوونه

    والله يسهل امورج وادعيلي اني اضعف اكثر بعد حاطه في بالي خطط مستقبليه

    ايه تعالي انتي روحي للدكتور اللي تبين وسالي السكرتيره اذا فيه بنات تقدرين تكلمينهم من المسوين تحوير وساليهم عن كل شي ترا انا قعدت 5 شهور افكر واقرأ وابحث ليمن استقريت على هالعمليه

  5. hanan
    الرد
    اختي مظلومه انا إستخرت بس المشكلة أنه ماعندي إرادة و السكرتيرة قالت أنه أغلبية العمليات اللي يسويها الدكتور ألحين تحويل المعدة وأنه الكل مسويها بس تدرين أنا بحاول أخليها تعطيني رقم أحد مسويها وأستفسر مشكورة حبيبتي على النصيحة والله يعطيج ماتمنين

  7. mira
    الرد
    اعررررف وايد من اهلي مسوينها امبيه جم وحده صارو ضعااااااااف كانو صج اوزان ثقيله امتن منج بس حتى التحويل يبيله اراده الله يسهل عليج

  9. inzou07
    الرد
    حبيبتى ماكو شيء غصب قوليله ما ابي تحويل ابى تحزيم مو بكيفه و شوفى اطبه ثانين مو شرط هو و ترى التحزيم اسهل و عقب ما تضعفين تردين طبيعية بسهوله و عملية التحزيم و شيلة التزيم وايد سهله و مو مضره كل اللى يسونه انهم يحطون حلقه بالثلث الاول من المعده و يفقصونها جنها لابسه حزام لكن التحويل غرابيل يقصون معدتج ويخلون جزء معلق مع لامعاء و يقصون الامعاء الغليظة و يوصلون الجزء الثانى من المعده فيهم و الجزء الول يظل معلق لا يدخله اكل و لا شيء و لحد الحين ماكو احد رد معدته مثل الاول و الله العالم اذا ترد اصلا محد جرب لكن التحزيم سهالات ما يقصون منج و لا شيء و كل جهازج الهضمى سليم و طبيعى بس يحزمون المعده من بره و عقبها يشيلون الحلقه بسهوله نصيحه لا تسوينها انا بنت خالى متحسفه سوتها بدل التحزيم لان النتيجه بالضعف وحده لكن الغرابيل وايد و اقل مع التحزيم و ترى الكل و الطريقه و كل شيء فى الاثنين نفس الشيء

  11. imilla
    الرد
    اشكركم وجزاكم الله خير على النصايح اللي تفضلتوا فيها وفعلا نصايحكم أثرت فيني وستخرت وسويت تحزيم قبل يومين لكن فعلا العملية مؤلمة جدا وهي تحزيم ما بالكم لوإنها تحويل أنا أكتب الرد عليكم ونا تعبانه جدا بس بغيت أشكركم .

    جزاكم الله عني ألف خير

  12. kamiliya
    الرد
    بنات اشلونكم انا اول مرة اكتب موضوع واتمنى منكم الاستجابه لان حالتي بصراحه كسيفه الموضوع ان انا عندي 3 بنات الله يخليهم لي ويخليلكم الي عندكم ويعطي كل محروم انشالله المهم نرجع حق محور حديثنا انا طبعا بعد الحمل المتكرر الجسم راح فيها وانا اصلا مو ضعيفه وودي اسوي عمليه تحويل المسار فاللي مسويتها ارجو انها تفيدنا وتقولنا عن تجربتها وعند اي دكتور بليييييييييييز بشكل عاجل بنات واشكر لكم تواصلكم قبل ما تتواصلون يا كويتيات يا حلوات وشكرا

  13. khouloud
    الرد
    السلام … قبل تقريبا 9 أشهر وحده معاي بالكليه سوتها كانت متينه حييييييييييييل صارت الحين عود اضعف مني بوااااااااااااااايد … الله يهانيها بس ما سوتها هني سوتها بره في لبنان على ما اعتقد لان سمعت انها ممنوعه بالكويت وااااااااااااااااااااااااااااااااااااااااااااااااا ااايد خطره و اسم الله علينا احتمال كبير اللي يسويها يروح فيها و مره د. الجارالله شرح عنها على ما اعتقد في جريدة الوطن

  14. inzou07
    الرد
    مشكورة حبيبتي هبونه على الرد بس انا سامعه عن ناس مسوينها اهني وودي اعرف اشلون الوضع وعند منو وشاكرتلج تواصلج

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.