عمليتي التكميم على يد الدكتور المُبدع والرائع خالد العنزي

السلام عليكم ورحمه الله
مرحبااا يابناات , مبارك عليكم ماتبقى من الشهرر

انا حبيت أعرض لكم تجربتي وعمليتي , إلي أنصح كل ببنت متينه تسويها وهي مغمضه
انا بالبداية حالي من حاالكم جربت أنواع الرجيماات وإضعف كم كيلوو وأردهم , وتعببت صدق
لدرجه أثرت على نفسيتي , وصرت بسرعه أعصت اوتنرفز وما أتحمل كلمة من أحد
ليييين جاا يوووم وأمي شافت لقااء على التلفزيوون مع الدكتور خالد العنززي وقعدت تشووفه
وشرح فيها عمليات التكميم والتحوير .. والا ماكنت ادري اصلاا عنها ولا اعرف إنه في عمليات
حق السمننه – أمي أنبهرت من كلاامه ومن الي يتصلوون ويقولون إنهم ضعفوو منها
ويمدحوووون الدكتووور حييل

وبعدهاا كلمتنني وكنت شبه متردده , وهي تحاول فييني .. >> هذا الكلام من شهر 1 الي فات
ومرت شهور ونسيت الموضوع تقرييباا – لين ماشفت وحده من أهلنا ضاعفه وماسالتها
وكنت أحسب ريجيم عاادي , وبعدها فاتحتني وقالت إنها مسوية عملية تكميم عند الجارالله
وشررررحت لي بالتفصيييل عن كل شي .. عن العملية وشلوون والاللم ونوعية الاكل
يعني كل شي كنت ابي اعرفه – قالته لي .. لاني مثل ماقلت لكم مااااااااكنت أعرف كللللش عن
هالعمليات خااصه التكميييييييم .. تششششجعت حييل وتحمسسسسسست
لدرجه اول مارجعت البيت .. قعدت احن على أميييي وإن ابي اسوييهاا
وكان قدامنا خطوة مهمه وهي إقناع أبوي .. لانه يخاف علينا حييل ومايحب يغاامر أبد
وأمي حللفت له إنه العملية سهلة ووايد سووها وضعفوووو .. لانه أبوي ماكان يعرف عنها
وبعد فتره إقتنع .. وأمي إتصلت على عيادة الدكتور خالد وحجزت لنا موعد
وكان موعدنا نهاية شهر 5 .. وتنرفززت لانه متآخر كاان ..
لكن بعد يومين إتصلوو عليناا وقالو إنه في ناس كنسلو موعدهم ونقدر نجي من بكرة
نشووف الدكتووور وررحنا له وكان تقريبا تاريخ 8 – 5 .. واول ماوصلنا قالت لنا السكرتيرة
انتو محظووظين .. لانه الدكتور موجود .. دخلنا علييه .. قاس وزني وطوولي
وقعد يشرح لي العمليتين وقلت له أبي تكميييم .. بس أمي سالته عن التحوير
قال التكميم أفضضل لانه لو صار شي ولا قدرت تضضضعف تقدر تجي ونسوي لها تحويل مسار
بس الافضضل تكمييم .. وكل شي بيدها – حتى الضعف بعد العملية بيدهاا .. وسألني متى أبيها
قلت له دكتور لو تبي بكررة ماعندي مانع .. قعد يضضحك وقاال انتي بايعتها هههه
لانه صج كنت أبي اسويها قبل لايصير اي شي ويخرب عليي .. وقلت أبي أقرب موعد
وهو كان بيأجلها عشان الجامعه ودراستي .. بس انا حنييت إني ابيها بسرعه وقاال
روحي عند إيماان وهي بتحدد معاج .. ونصحني بمستشفى السسيف .. قال انه ميزانيتهم
ماتعدى ال 700 حتى لو خذيت إبر زيااده اما السلام ياخذون 800 ولو خذيتي اي شي زياده
يحسبوون علييج – رحنا بعدها عند إيمان وحددت لي تاريخ 17 – 5 وكاان بداية حياتي الجديده
او بداية ميلااادي بمعنى أصصح .. طلعت من عندهم وانا مرووووووقه ع الآخرر
واعد الايام والساعاات على العملية .. كنت متحمسسسسه حييل للعملية ومااكان للخوف اي
وجود بقلبي .. مشالله هههههههههههه ابداا ماكنت خاايفه
ولا علمت أحد الا امي وخواتي وأقرب الناس ليي .. وليلحين محد يدري فيه
وطبعا قبل لا أروح للدكتور كان معااي سونار سويته عند حميد طالب والي بعد كلمني عن التكميم
ورشح لي الدكتور خالد العنزي ..
وبس بعد ماطلعت من عندهم رحت سويت تحليل دم شاامل وحق الغده سويتها بالعدان
وقبل العملية بيوم رحت السيف وسويت إجراءات دخولي وكان مفروض ادخل الليل
لكن قلت لهم بجيكم الصبح لانه عمليتي كانت الساعه 2 الظهر .. وطلبو مني احد يتبرع لي
بالدم .. لانه لو سمح الله صار نزييف او احتجت دم .. يكون متوااجد عندهمم

ويوم العملية الصبح رحت بنك الدم وتبرع لي أبوي وواحد متبررع
وبعدها على السسيف اول ماوصلت لبسوني لبس العمليات واستلموني بالابرررررررر
ومفروض عمليتي 2 لكن الساعه 3 دخل الدكتور خالد .. وكلمني وقال بعد ساعه بينزلونج إنشالله
الصراحه إرتحت لكلاامه حييل ورييحني .. الله يريحه دنيا وآخره ويحقق له كل أمانييه
وفعلاا على ال 4 ونص نزلووني العمليات وأمي معااي ويوم دخلووني ..
جاني دكتور التخدير ويسولف .. وقال راح أعطيج البنج على 3 مراحل
اول ماعطااني حسيت الدنيا تدوور وإنه السرررير يتحرررك .. وبعد المره الثانية صرت أغفى
شوي وأصحى ليين دخلوني غرفة العمليات .. وحطولي على رجلي مثل الضباب عشان يمنع
تجلط الدم .. والحمدالله ماكنت خايفه .. والدكتور خالد كان يضحكمني حتى ضحككت وعقبها
ماحسيييييت بالدنيا الا بغرفة الافااقه .. يكلمني الدكتور مارديت عليه
بس اول ماصحيت وحسسيت بألم ببمعدتي إستاانست حييل إنه العملية خلصصصت
واول خطوووة لحلمي بدت وتخطيتها وهي أصعب خطووة ..

قعدت بحدود الساعتين بالافاقه وبعدها ودوني لغرفتي .. الي كانت vip هدية من المستشفى للمريض وكان هذا على الساعه 8 ونص
اول مادخلت الا امي تقولي الحمدالله ع السلامة .. ماذكر إني رديت علييهاا
بس اول ماحطوني على السرير نمممت وماحسيت الا بالممرضات يصحوني الساعه 9 ونص
يقولون يالله قوومي إمششي .. وقمت ومشيت دورة على الجناح وقلت خلاص ودووني
مافيني حييييييل .. وماقصر الدكتور خالد جاني بليل وتطمن علي .. وجاني ثاني يوم بعد
وقعدت أحن ابي اطلع من المستشفى لاني جد مليييييييييييييييت من المستشفى

والحمدالله ياارب .. صحيح الفتره الي بعدها تعبت حييل لاني ماشرب البروتين لاني ماتحمله
ولا آكل أدويتي ولا الفيتمينات .. الي ليلحين ما أكلهاا

بس الحين وبعد مرور 3 أشهرر .. اناا أحسن وفضل ونزلت 25 كيلوو وهو صحيح مفروض أكثرر
بس لاني ماكنت أكل كلشش ووأتعب إذا مشيت فقالت لي إخصائية التغذية إذا ماكليتي
ماراح تنزليين ..

والحين إشتركت بنادي بناء على نصيحة الدكتور خالد .. الي ماقصر معااي بإهتمامه
وهذاا كلامي عن تجربة .. وحتى الكل يمدحه مشالله عليه أسلوبه مع مرضااه كلهم بلا استثناء

بناات أدري تعمققت حيل بالتفاصيل .. بس مثل مانا كنت قبل العملية أقرى تجاارب كثير منكم
وكنت أحب أقرى تجاربهم بتفاصيلهااا عشان أتحمس أكثرر .. كتبت تفاصيلي
وأحب أنصصصصصح الي بتسويها ومترددة إنها تسووييها .. لانها بداية حياة جديده حياة نبيها
واغلبنا تمناهاااا ..
وأدري طرحت تجربتي متآخر .. لكني مثل ماذكرت إني تعبت وكنت أتابعكم من بعييد لي بعييد
لكن حبيييت أدخل عشاان أنصح اي بنت مترددة وأحمس الي بتسويها وخاااييفففه

وأي استفسارات انا حاضر وبالخدممة