عندج اطفال أو جربتي الحمل وبوادره ؟ ابيج شوي حبيبتي :)

الله يرزقج ان شاءالله بالذريه الصالحه

وحبيبتي وحده عن الثانيه تختلف

وان شاءالله البنات يفيدونج اكثر

الله يرزقج إن شاءالله وتكونين حااامل

بالنسبه لي اعراض الحمل تختلف عندي
حمالي ببنتي كانت اعراض الحمل دوخه ولووعه وصدااع

وبعياالي كلش ماجتني اعرااض ومادريت اني حامل الا لما تأخرت الدوره وقتها دريت اني حامل

آمين يااارب تسلمين

اها يعني نفس اعراض الدوررررة شكرا حبيبتي

آمين ياااااااااااارب شكرا حبيبتي

اهااااااااا شكرا حبيبتي وآمين يارب العالمين

اهااااا تسلمين حبيبتي

أنا أول مرة لما صار لي شهر زواج

كنت توني رادة من بيت اهلي عشا و ضحك ووناسة وكنت بحط راسي و انام

فجأه ….

ألم فضيع برااااسي و ببطني …

قعدت ابجي و ابجي لين ربطت راسي و دقيت على زوجي وقلت ودني

وحللت و طلعت حامل

وقعدت ابجي بعد من الخرعة عشان صرررت أم

واذكر انه هالسالفة قبل الدورة بإسبوع

….

ثاني مرة حاسة الشم صارت قوية

ونفسيتي خايسة و بسرعة اعصب و صايرة حساسة حيل

وتلوع جبدي من شي اسمه جماع

لدرجة اني خذيت اغراضي و رحت نمت عندي اهلي اول 3 شهور

…

حمالي الاخير بدأ عندي الترجيع و الدوخة من اول ما حللت <<وكانت اخيس حمالة مرت علي كرهت عمري

والحمدلله على كل حال

وعسى الله يرزقج

بصراحة الحمال تجربة حلوة تمر فيها الوحدة

والله لا يرزق كل محروووم

انا لان من زمااااااان ماحملت وتوني احمل مادري اللي قبل ناسيتهم ههههههه. الحمال هذا لان كل مره انطر الحمل فكنت اتوهم واحس اني حامل عشت الدور خخخخخخخخ. بس الحمد لله طلعت حامل بعد سنين طويله بس انا اشوف اختي كل حمال نساتها شكل وانا ليحن مابلشت بس انا اللي اعرفه اني راح ادووووخ بس متى يبلش فيني هالشي الله اعلم

والله يرزقج اللي اتمنينه يارب

حبيبتي توج صارلج شهر وخمس ايام ليش وايد مستعيله وتقولين مابي احط امل وبعدين اتحطم….انا اول ماقريت عبالي قاعده تنطرين خمس سنين

نصيحه من اخت ولاتزعلين مني ….الطياره موزينه ركدي وانسي موعد الدوره ولاتفكرين فيها وانتي بتحملين

وتري الحمل علي النفسيه اذا فكرتي وايد مايصير حمل وهالشي حتي الدكاتره يقولونه