عندما تغار الأنثى من الأنثى شيصير ؟

بسم الله الرحمن الرحيم

كويتيات انا سبق وكتبت هالموضوع بس مدري ليش مالقيته

وقررت اكتبه مرة ثانية واللي يصير يصير ههههههه

الموضوع يتكلم عن غيرة المره ..

غيرة المره شي طبيعي وفطري .. لكن اللي مب طبيعي لمن يزيد عن حده

واذكر لكم بعض الأمثلة الي تخلي المره تغار من المره سواء زميلتها رفيجتها حماتها

واللي بتقوول انا ماغار ياويلها هالمثالية ..

مو شرط تكوون غيرة وحسد ومرض لا غيرة بغبطة انش تتمنين يصير لش هالشي

أمثلة
1/ لما تكونين حلووة ومثقفة ورفيجتش اللي مب حلوة وهيلق تنخطب قبلش << في ناس يقولون هني الله يالدنيا ههههههه
2/ لما تكونين كاشخة حق عرس بعدين تتفاجئين أن اقاربج طالعين احلا واجمل منش وانتي ولاشي عقب ما كنتي تحسين حالش راح تكوني سيدة الحفلة وتلفتين الأنظار .. هني عاد تبدأ الغيرة لووول
3/ هاذي النقطة يمكن واجد ناس يعانون منها .. لما عمتج تحب وتقدر مرت حميج اكثر منج ودايم تمدحها جدامش << اتوقع هني ودش تكفخينهم اثنينهم

وغيرها وغيرها ..

هذا المحور الأول من الموضع وابي منج تعطيني أمثلة ..

المحور الثاني ..
شلوون نخلي هالغيرة تكون بشكل ايجابي ..

آنا اقوول لكم ..

راح اعطيكم امثلة ..

مثلا أنا اغار من بنات المنتدى لما اشوفهم يكتبون عن طرق العناية بالجسم والخلطات والمكياج والكشخة وذي السوالف ..
فبدل ما اغار شسووي ..
اقووم اتحممس واسووي مثلهم .. احسهم يعطووني دافع قووي
هني وظفت الغيرة بصورة ايجابية

مثال ثاني
لما يكوون قروبنا بالجامعة من شاكلة مصطفى .. كلهم دوافير وأوائل .. أغااار
شسووي ؟؟
لازم اصير شااطرة واشد حيلي في المذاكرة والنتيجة تكوون لصالحي ..
وهني وظفت بعد الغيرة بصوورة ايجابية ..

الشي الثاني اللي ابيه منكم انكم تعطوني امثلة من حياتكم شلون تحولون الغيرة إلى طاقة ايجابية ؟؟

ابي منكم تفاعل يا كويتيات

لا تنسوا موضوعنا في محوورين جاوبوا عليهم اثنينهم .. ياويلكم ان نسيتوا

تحياتي

غيث