عيالي وكثثثثثرة الطلبات ,, افيدوووني جزاكم الله خـير

صبحكم الله بالخيـر

ببدآ على طول

هذا الله يسلمكم عندي عيالي الإثنين كبر بعض واعمارهم 7 سنين الله يحفظهم

اذا طلعت معاهم السوق يجننوني بعيشتي لهم طلبات لها اول مالها تالي كل شي يشوفونه يقولون ابي هالشي ..
لدرجة ان صوتي يطلع بالمحل عشان اقنعهم ان هالشي مو ضروري الحين !!
كم مره بغيت اكذب عليهم واقول ان ماعندي فلوس زياده بس ارد اقول مابي اطلع كذابه سبحان الله الواحد مايدري شيصير ..

لاتاخذون الموضوع على انه بخل بس والله موفرين لهم كل شي ومع ذلك طلباتهم ماتسوى

بقول لكم مثال

طبعاً تعرفون ان بدت العطله ومافي مدارس تضفهم فـ مجابليني 24 ساعه
امس كانت عندي طلبيه ولازم اكملها عشان اسلم الشغل لأصحابه وكان ناقصني صمغ و شرايط وشغلات بسيطه ونزلت السوق وخذتهم معاي

اوووووول مادشينا المحل الا ولدي يقول ابي بوك !! واشتغلت الحنننننه الا تشترين لي بوك وجلست اقنع فيه لدرجة ان صوتي طلع بالمحل بس ابد مو راضي يفهم

خلصنا منه بدت بنتي الا ابي مناكير وطبعاً نففففس الموال حنه ورقله وبعد الهواش والتنرفز يالله افهموا واسكتوا

وشغله ثانيه بعد
هالأكشاك اللي يبيعون الحلاو لاااااااازم كل مانمر تصير سالفه تقولون حارمتهم والله ناخذ لهم بس مو كل مره عااااد

الحين سؤالي هل في طريقه للتعامل معاهم ؟؟؟؟؟؟؟

علماً بإني انبههم قبل لا اطلع من البيت بإني مستعجله وماراح اوقف لأي طلب تافه يبونه
واوكلهم واشربهم عشان مايكونون جواعه ويقولون الا نبي ناكل ويعطلون شغلي

بإنتظار نصايحكم والله يوفق الجميع