عيد زواجنا الثالث روتينxْروتين

مشكورة حبيبتي على اقتراحاتج
ودي اسوي ليله في البيت من عشا وتغيير بشكلي وهدية حق زوجي بس الي ماسكني عيالي لوية واحد عمرة 1ونص والثاني 3 شهور والخدامه (فليبينية) و 24 ساعه تخزز فينيوالهدية ماكو شي ببالي ما ادري شنو اقدمله ؟؟؟

شوفي بالمواضيع المثبته في موضوع كله ليالي .. اختاري ليله فنتق ويديده وتناسبج .. والهديه انا اقترح تهدينه جلسة مساج بمن تايم بس شنوو جلسه جلسه .. يعني يدللوونه جنه معرس .. جنه ب 70 دينار او شي جذي بس يقعد عندهم مادري جم ساعه واهوا مساج اهوا جاكوزي اهوا سنفره وناسا يعني شغل عدل مدل مكانهم بالمهلب الدور الاول يم سبا تايم مال الحريم .. ومادشين داخل عند الباب يطلعلج التايلندي مادري شجنسيته المهم وتدفعين ويعطيج ظرف هديه باسم ريلج

اول شي ودي عيالج بيت اهلج او عند وحده من خواتج اهما والخدامه وفهميهم انج تبين البيت فاضي ..
واذا عندج كرت عرس عطيه ريلج وقوليله اليوم انت معزوم على هالعرس تاريخ 8-8 موتنسي مع شويه ضحك واغراء
ويوم العرس اذا عندج بدله بيضا لبسيها او نفنوف ابيض ناعم شيفون واذا ما عندج طيري السوق بسرعه واشتري من هالنفانيف الرخيصه الحلوه وروحي صالون وسوي تسريحه نعومه وخل يحطولج فيونكات بيض او كرستال بشعر ويحطولج ميكب وردي نعوم ..

واشتري قالب كيك انصحج بكيك الايس كريم من باسكن ..
وروحي البيت تعطري وتبخري وهالله الله بديكور الغرفه من كفر يديد ونثري ورد على الارض وترسي البيت شموع ..
وحطي موسيقى حلو ولا اقولج زفه عروس بصوت رويشد ولا راشد تلقينهم بمواقع النت ..
واشتريله دبله انتي معاه ولبسوا بعض وقصوا كيكه وشربوا بعض عصير ورقصي على اغنيه حلوه تصلح للمناسبه ..
واشتريله هديه بوك مع مداليه سياره \ واشتريله نعال تكرمين ذاك اليوم شفت بميلانو بالافنيو حلوين ومسوين عليهم تنزيلات ..
يعني سويه عرس مصغر ..

وانشالله اكون افدتج حبي والله يوفقج ووتحتفلين بعيد زواجكم المليون

حتى لو مو من نوعه فنادق احجزيله غرفة بفندق مافيها شي عادي .. كتغيير روتين ..
وعقب حجزي سيارة هو يحبه وخليهم يوصلونها لي البيت .. وطبعأً الظهر قوليله حبيبي أنا عازمتك عالغدا وأول ماتنزلون عطيه مفتاح السيارة وقوليله هذي هدية عيد ميلادك وعقب روحي المطعم تغدي معاه وعقب روحي الفندق طبعاً بتكونين مجهزة الجنطة بالسيارة من قبل .. وروحو ارتاحو وعقب ساعة ساعتين نزلو حمام السباحة الي بالفندق وتسبحي انتي معاه أو هو بروحه .. والمغرب حجزي سينما وعقب روحو تعشووو أو روحو كافيه وعقب ردوو الفندق

شوفي انا مرة بعيد ميلاد ريلي كنت عازمة أمه وأوبه وأخوانه وخواته عالعشى وقتلهم لا يقولوله اني عزمتهم .. وكنت مسويتله كيكة باوبرا وحاطة عليها ست صور لمراحل مختلفة من عمره "من يوم كان صغير لي كبر" وعقب رحنا المطعم ولا نشوف خواته ولا أقوله خواتك هنييييي ولا نروح نقعد معاهم وعقب يوو وأمه ووابوه واخوانه والأخ للحين مايدري اني انا عازمتهم لي يت الكيكة عقب الأكل استوعب ..

بس بصراحة كان يوم عجيب وايد استانسنا .. والكيكة شكلها عجيب وهو وايد استانس

افكاركم وااايد حلوه

السلام عليكم

أولا عسى ربي يجمعج بزوجج بالمودة و الرحمة و يتمم عليكم اللهم آمين

حبيبتي مرة قريت فكرة حلوة بموقع ثاني

ممكن تسوين مفاجأة بالبيت ودي عيالج بيت اهلج و حطيله بطاقة دعوة للعشا و زيني غرفة أكلكم و طلبي عشا فنتق غير عن كل مرة

و خلج كاشخة و لابسة و حدديله موعد للعشا بحيث ما يدخل البيت إلا الساعة الفلانية و بعد العشا حطيلة فاتورة و فيها طلبج يعني يدفعها

لج فتكون منه هدية بعد لج بس حبيبتي الله يجزاج خير لا تنويها علشان عيد لأن مافي عيد زواج بالإسلام يا الغالية انويها لله حبيبتي علشان ربي

يبارك لج فيها و يحبب قلب زوجج لج أكثر بإذن الرحمن و موفقة حبيبتي