بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
حبيباتي زميلات المهنة …. حبيت اطرح هالسؤال للمناقشه والاخذ والعطا قولولي بالله ما قد مره حسيتي ان في وحده كم زميلاتج بالقسم غيرانه منج 
او فيها شي عليج وما فهمتي السبب ؟؟؟؟؟ 
انا راح ابدا واقول ان لي 11 سنه بالتربيه ومعلمه الحمدلله مشهود لي بالالتزام والحرص على اخلاقيات مهنتي المهم اني اقدم وحده بالقسم والاكبر سنا هل تعتقدون من حق الباقين يغارون لو تميزت بأي شي مثل تخفيف الجدول ؟؟ او تخفيف بعض الاعباء عطوني رايكم وبدون اهانات وتجريح بلييييييز ترا احبكم لا تعورون قلبي 
حبيباتي زميلات المهنة …. حبيت اطرح هالسؤال للمناقشه والاخذ والعطا قولولي بالله ما قد مره حسيتي ان في وحده كم زميلاتج بالقسم غيرانه منج
انا راح ابدا واقول ان لي 11 سنه بالتربيه ومعلمه الحمدلله مشهود لي بالالتزام والحرص على اخلاقيات مهنتي المهم اني اقدم وحده بالقسم والاكبر سنا هل تعتقدون من حق الباقين يغارون لو تميزت بأي شي مثل تخفيف الجدول ؟؟ او تخفيف بعض الاعباء عطوني رايكم وبدون اهانات وتجريح بلييييييز ترا احبكم لا تعورون قلبي
لكن بقولك شي
لولا الغيره ما تسمى المدرسة وضيمها ونكدها
يعني قسم يضم نساء في نساء شلون بيكون الوضع
يحسدون الميت على موتة الجمعة
نصيحة طاااف، ولا تنظرين أبداً لمن حولك
خاصة في سجن النساء .
و طنش تعش تنتعش
طنش تعش تنتعش
وخليهم يموتون حره دام الجدول تخفف والحصص ماشيه غصب عليهم
واللي بقلبه مرض الله يشفيه …
ان لو القسم على قلب واحد والكل يحب الثاني جان تمنولج الخير وما ازعلو منج او غارو منج
لكن الظاهر ان علاقاتكم مو ذاك الزود او انكم علاقتكم رسمية وجافة فعشان جذي تصير بينكم هالسوالف
خلكم مثل الخوات ترى انتو اكثر من نص اليوم متتجابلين اكثر من مجابلنا لعيالنا واهلنا بالبيت فضروري العلاقة تكون حلوة
هذا من وجهة نظري
على التميز حبيبتي
على فكرة الغيرة موجودة بكل مكان و خاصة بين الحريم
أعوذ بالله ..
إنتي مالج شغل فيهم ألزم ما عليج شغلج و بس
و اللي حاطين دوبهم و دوبج بالغيرة و الكلام الفاضي
لو يحطون بالهم على عمرهم ابرك .. و يحاولون يحسنون مستواهم
و يقتدون فيج ..
إنتي تحصني و ذكري ربج
و طننننننننشششششي
يعني مو ينقط الشغل علي لا مثلا يريحونها بالنشاط او المناوبة او ما يكلفونها باحتياط جذي يصير عدل
واحسن شي الواحد ما يفكر ان فيه احد غيران منه او يحسده جذي يعيش مرتاح ان شالله
على فكرة في موضوع في المنتدى حق معلمة تشتكي من معلمات الخبرة ليش اهم كل شي مخفف لهم وكانت زعلانة حيل ،،، انا اعتقد سوء التقسيم اهو اللي يسوي حسد وغيرة بين الناس عموما مو بس المعلمات
وموفقة
والاخت اللي تقول لولا الغيره ما تسمى المدرسة وضيمها ونكدها <<<< انتي مو مدرسة يعني ما تعرفين خصوصيات هالمهنة احسن شي نهدي الاخت صاحبة الموضوع ونحسن العلاقة مع زميلاتها مو نزيدها نار
اخذيهم على قد عقلهم وسايسيهم ,, لان الغيره مرض وما من وراه حل
عطي احلى طااااااااااااااااااااااف عندج.. وللاسف انهم معاج بنفس القسم!!!!!!!!!!!!!!!!!!!!
وانا شخصيا اشوف الكبيره والخبره صراحه عمرها وخبرتها يشفعون لها ولازم يخفف جدولها ان امكن وحتى الاداره يحطون بعين الاعتبار انها قديمه ويخففون شغل الاحتياطات وغيره
يعنى مو معقوله وحده خبرتها 20 سنه اساويها بوحده اول سنه او ثاني سنه
يعني الجديده ماشالله عليج توج شباب وبعز عطائج محد بيعطيج فوق طاقتج لكن منطقيا نصابج يكون اعلى من القديمه
وفكري بنفسج بعدين اذا الله عطاج عمر
بعد التعب والسنين والعطا غير العمر هل ترضين يضغطون عليج بالشغل مثل ما كنتي بعز شبابج ويساوونج مع البنات الصغار ؟
اكيد لا
لا والله اذا الغيره سببها خبرتج وانج قديمه خل يغيرون لما يقولون بس