فاهيتا الهمبرجر بالحلوم .بالخطوات المصورة .

السلام عليكم ورحمه الله وبركاته

اخر اختراعاتي ((فاهيتا الهمبرجر بالحلوم))

المقادير على حسب تقديرج

:

2 شريحة همبرجر دجاج ..

اي نوع خبز((ابيض اسمر ايراني صاج ))

1 فلفل اخضر مقصص اصابع

1 بصل مقصص اصابع

1طماط اصابع

شوية ملح وفلفل اسود

كتشب قفشة صغيرة

قفشه جبن قلاص

قفشه مايونيز

نص باكيت حلوم مقصص اصابع

جبن موزريلا ..

الطريقه ::

1_تشوى الهمبرقر بالفرن مع مسحه دهن …وتوضع على جنب

2_نحمس البصل لين يشقر ونضيف له الطمط والفلفل مع شويه فلفل اسود وملح ولما تحسين انها انحمست عدل ضيفي الكتشب واصابع الحلوم والموزريلا وطفي على النار وغطي المقلى ….

3_ اخذي الهمبرقر وقطعيها اصابع وضيفيها على الحمسه ..

4 دفي خبزة وافتحيها من النص وحطيها فوق قصدير…وادهنيها بالمايونيز والجبن ..

5_حطي الحمسة على طرف الخبزه ولفي الخبزة وبعديت لفيها بالقصدير …

6_دخليها الفرن على نار هاديه جدا عشان تتسخن ………

اقتراح….

بما ان رمضان على الأبواب تقدرون تحطون الحمسه بالمصالى …

وهاذا رابط طريقتها

http://www.q8yat.net/showthread.php?…E3%D5%C7%E1%EC

وعليكم بالعافيه