السلام عليكم ورحمة والله وبركاته
شلونكم متزوجات شخباركم ؟؟
حبيت احط هالموضوع بهالسقم ووايد ترددت قبل لا احطه لاني مو متزوجه وعمري 21 بس بما انكم حريم كبار وفاهمين ولكم تجاربكم حبيت استشيركم بهالشغله ..
منو قربت سورة البقرة لمدة 40 يوم وتزوجت اللي تبيه او الله كتبلها نصيب صالح ؟؟
او منو جربت قراءة سورة البقرة للتوفيق بينها وبين زوجها او بينها وبين طليقها ؟؟
يمكن وايد بنات محتاجين تجاربكم واولهم انا
بصراحه قريت جم فتوى تقول هالشي بدعه ومايصير نخصص قراءة سورة معينه لشي معين
بس هالشي مو داخل بالي اساسا لان التوافيق من عند الله وقراءة القران زينه لكل الاسباب واكبر دليل الرقيه بالقران بآيات معينه عشان جذي احس ماقتنعت بالفتوى ..
بس ليش لمده 40 يوم ؟؟ اللي تعرف السبب تجاوبني
ناطره ردودكم ..
واللي عندها رد جارح اتمنى ماتقوله وتحتفظ فيه لنفسها لان ماحطيت الموضوع الا ابي الافاده
يعطيكم العافيه
السلام عليكم ورحمة والله وبركاته
شلونكم متزوجات شخباركم ؟؟
حبيت احط هالموضوع بهالسقم ووايد ترددت قبل لا احطه لاني مو متزوجه وعمري 21 بس بما انكم حريم كبار وفاهمين ولكم تجاربكم حبيت استشيركم بهالشغله ..
منو قربت سورة البقرة لمدة 40 يوم وتزوجت اللي تبيه او الله كتبلها نصيب صالح ؟؟
او منو جربت قراءة سورة البقرة للتوفيق بينها وبين زوجها او بينها وبين طليقها ؟؟
يمكن وايد بنات محتاجين تجاربكم واولهم انا
بصراحه قريت جم فتوى تقول هالشي بدعه ومايصير نخصص قراءة سورة معينه لشي معين
بس هالشي مو داخل بالي اساسا لان التوافيق من عند الله وقراءة القران زينه لكل الاسباب واكبر دليل الرقيه بالقران بآيات معينه عشان جذي احس ماقتنعت بالفتوى ..
بس ليش لمده 40 يوم ؟؟ اللي تعرف السبب تجاوبني
ناطره ردودكم ..
واللي عندها رد جارح اتمنى ماتقوله وتحتفظ فيه لنفسها لان ماحطيت الموضوع الا ابي الافاده
يعطيكم العافيه
انا وايد اسمع الي تقرا سوره البقره 40 يوم يصير الي تبيه
مثل وحده كان بويهها حبوب
تقول قرت السوره 40 يوم وراح كله!!
وبالنسبه للزواج
انا وحده قالتلي عن سوره مريم
تقول اقري يوميا سوره مريم الله يعجل لج بالزواج ويرزقج زوج !!
وتقول اهي وبنت خالتها جربو سوره مريم وتزوجو!!
يعني شغليها كل يووم وانتي ونيتج
والله يحققلج اللي تبين
البنات انشاءلله يردون ..
up
والله مادري عن المده هم مره سمعت الوقعه تقرينها 40 يوم تجيبلج الرزق والله ماعرف اذا صحيح اولا
بس انا مجربه سورة يس اذا زعل رجلي على رحت قريت يس وبعيوني رجلي ويردعلى طوول
مادري حرم او لا بدعه او لا بس الايه عضيمه ومعروفه
والله العالم لان سورة البقره اللي يقرهاا فتره يرتاح وخصوصن اذا تشغلينها كل يوم في البيت
والله يجيبلج النصيب الزين ياارب
يعني محد يتزوج الا باليوم الله الله كاتبلا فيه
بس انا استغرب من البنات الحين حتا رفيجاتي
كلا بتزوج وبتزوج ودوريلي ريل وبتزوج
ومعن مو قاصرهم شي حلوين
البنيا الي تبي تتزوج لازم تسوي خطوات
اول شي تتلزق بالحريم الكبار بين قوسين الي عنهم صبيان خخخخخخخخخخ
وتصير سنعا وخدووووووووما كلا خالتي تبين شي او شي جذي
وطبعا تتكشخ جنها عروس
وخل تقرا سورت الرحمان كل يووم وراح تتزوج ان شالله
طبعا هاذا من خلال تجربا بنات خالي
ان شاء ربي توفقين وتزوجين يااااااااارب
ولا تحددين النية ؟؟
يعني لازم تقرين علشان يصير اللي تبينه
اقريها لوجه الله
عسى ربي يحقق لج كل الي في بالج دنيا واخره
ومشالله التزمت بقرايتها كل يوم والله سبحانه رزقها النصيب الزين الحمدالله مشالله
الله يتمم عليها ويحفظها من كل شر
اهو يا اختي على نيتج وايمانج بالله
ربي ما يضيع التعب انشالله ولا يرد دعائج وقرائتج وصلاتج
و صراحه اذا تبين صلي كل يوم ركعتين تطلبين فيها ربج اللي تبيه هذا انشاللله يساعدج
وخلي دايماا ايمانج بالله قوي
وترا هالكلام مو بدعه ولا شي بس اهو رحمه من الله وربي ما ينسى عباده
الدعاء والاستغفار مما تُفتح به المغاليق ، والتوسّل بالأعمال الصالحة والصدقات مما تُفرَج به الكُروب .
إلا أن تخصيص سور معينة أو أدعية مُعينة لزمان مُعيّن أو لحصول مطلوب مُعيّن لم يُعيّنه الشارع يُعتبر من البِدع .
والدعاء بابه واسع ، وللمسلم أن يَدعو بما شاء غير أنه لا يَدعو بإثم ولا بقيطعة رحم .
يعني حبوبة انتي وكلي امرج لربج وبعد كل صلاة ادعي واقري صورة البقرة كلها ..وطلبي انة ربج يوفقج ويسهل عليج ويزوجج انشاللة
وكل البنات ياااااارب .. تقبلي مروري ..
وصح انا سمعت عن سورة يس وايد زينه وتجلب الرزق
والحشر بعد وايد زينه ووايد تحققت لبنات امانيهم
وانا عموما احب اقرى سورة البقره لانها وايد تريحني …
ومشكورين كلكم فديتكم والله
وان شاء الله باخذ بنصيحتكم وبقرى البقرة ويس ولوجه الله وماراح احدد يوم معين او وقت معين