تخطى إلى المحتوى
الرئيسية » فتحي الباب ودشي لا تطلين من الدريشه

فتحي الباب ودشي لا تطلين من الدريشه

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

بنات بليز ساعدوني بنسافر الخبر الخميس انشالله وحنا عارفين وين نروح وشلون الطريق تونا عليميه

واللي بيودينا هم عليمي اول مره يروح عندي كم سؤال
1-طريق الخبر فيه لوحات ارشاديه يعني تهقون ما نضيع وكم طول الطريق بالساعه
2-نبي شقق فندقيه نظيفه وقريبه من الاسواق ورخيصه
3-ابي اسماء الاسواق الشعبيه ويستاهلون العنوه ولا لا
4-مطاعم عيوش خبركم الكرش مايربى الا بالعيوش وهم مطاعم ثانيه
5-شنو المميز هناك اذا جبته يقولون واااااااااااااااااااااااااااااااااااااو
ادري طولتها واهي قصيره ردو ولاتقولون في مواضيع ثانيه دشيلها واستفيدي منها لاني مستعجله بتعشى واجي عاد هالله هالله بالردود الطيبه

الوسوم:

10 أفكار بشأن “فتحي الباب ودشي لا تطلين من الدريشه”

  1. chahinez
    الرد
    الطريج ما اعتقد انه يضيع
    ومو طويله المساافه
    بس لاتمشوون بالليل

    المهم وفي شقق فندقيه واااايد تكون بقرب مجمع الراااشد

    اما اسماء الاسواق الشعبيه ماعرف

    بس المجمعات عندهم واايد
    مجمع الراشد وفؤاد سنتر وعندهم المريناا
    و في مجمع يديد كبييييييييير حيل بس نسيت شسمه

    وروحوو شاطئ نصف القمر على قولتهم الكورنيش
    بعد في مطاعم على البحر.,

    وان شاء الله اكوون فدتج

  2. kamiliya
    الرد
    ياحياتي يا فلفوله ماقصرتي والله بس انا ابي اسواق غير الراشد اللي حفظته من غير لا اشوفه ابي المميز هناك شنو بليز بنات ردو عااااد عن البياخه 000000000000000000000 مطيحه المياااااانه

  3. مريم
    الرد
    حبيبتي الطريج تقريبا 4 ساعات ونص ، واظن مايضيع يعني اهوه خط واحد سيده من الجوازات لايمين ولا يسار وفي لوحات ارشاديه بس الطريج مليان اتجاهات جبريه ( تحويله) لانهم من زمان يعدلون بهالطريج ، اللي يميز الطريج انه كله شاحنات ، اذا مادليتوا وايد يدلونكم وكل مامشيتوا شوي في استراحات يسمونها السعوديين الشيشه فيها بنزين وسوبر ماركت صغير فيه كل شي ومطعم للعائلات لاتخافون الطريج مو متعب من كثر الاستراحات اللي فيه ، وتقدرون تسألون بالاستراحه.

  4. kamiliya
    الرد
    عقب ماتختمون جوازاتكم تدخلون الخفجى تلقون لفه يمين مكتوب طريق ابوحدريه امشو فيه سيده لمده 3ساعات ونصف او 4ساعات حسب سرعتكم الا انتم واصلين ان شاء الله بس الطريق قاعدين يسوون فيه تصليحات وايد

    وتروحون وتردون بالسلامه

  7. inzou07
    الرد
    حبيبتي المجمعات(الراشد-فينيسا-الظهران-الخبربلازا-فؤادسنتر)هذا مجمعات الخبر ……..ومجمعات الدمام(الشاطىء مول-مارينامول-الواحه-الجمعه سنتر)
    الاسواق الشعبيه بالخبر سويكت وبالدام سوق الحب(فيه شغلات حلوه ومناسبه
    اما الشقق تلاقينهم قبال الراشد حلوين ونظاف وفيه فتدق جديد في الشارع الثاني
    اما المطاعم (بيت التنور_البردوني-باباهباس-داجن-شيلز-ستيك هاوس-دارالكرم-كانتون——كثيره غير المطاعم السريعه والمطاعم الموجوده في المجمعات(العيوش على قولتج (غوزي-اصفهاني-شوايه الخليج

    هذا اللي اذكره الحين

  8. hanan
    الرد
    أول شي هلا تردفها غلا بالزوار الغالين أهل الكويت بديرتكم الثانيه
    ثاني شي لاتخافون الطريق تقريبا 3ساعات ونص وأول ماتدخلون الخفجي امسكوا طريق ابو حدرية راااح يكون لفه ع اليمين
    وخليك سيداسيدا مع اللوحات الارشاديةطبعا أغلب اللوحات مكتوب عليها طريق الدمام خليكم ماسكين طريق الدمام ليما يجيكم اللفه اللي تدخلك الدمام راااااح تكون ع يمينك قبلها بشو ي مصنع غاااااااز اللفه هذي إن بغيتي الدمام ادخلي منها انتبهو لها لأن اللوحة بين أشجار وظلام ويجيك عاد ادوار اللي يدخلك وسط الدماااام وإذا تبين الخبر ع طول لاتدخلين منها روحي سيدا بعدها ب500متر تقريباراح تجيك لوحات ارشادية امشوا معاها بس ترا مافي ضياع لأان الخبر يم الدمام ع طول يعني تقدرين ترحين له بربع ساعه من كورنيش الدمام والله يسهل عليكم

    بالنسبه للاسواق اللي ذكروها الاخوات قبلي هذي أحسن الاسواااق والفنادق ياااااااااااااااااااااااكثر اللي راح تلقين وفيه شقق مفروشة بنظااااااام الاجنحه الفندقية وفيه فندق فخم يطل ع البحر
    والمطاعم الوااااااااجهة البحرية بالخبر بعد مليانة مطااااااعم والشارع اللي حول الراااااشد ياااااااكثرهالكل أنواع المأكولات
    ورحلة موفقه ياااااااارب وأي خدمة ثااانية أنا حاضرة

  9. madiha
    الرد
    حبيباتي والله ما قصرتو ولافندر حبيبتي كفيتي و وفيتي والله يستر علينا بهالروحه ونستانس عدل ايه نسيت لا اسالكم شلون نظام اللبس هناك لازم نتكمكم عبي راس وكل شي اسود ولا عادي انا البس نقاب النص وعبايه فراشه عااادي هناك ولا احصلي كم لشطه من المطاوعه ترا جد ما ندري شالطبخه

  10. hamida
    الرد
    لا عادي ، انا اروح ما البس نقاب وعبايتي الكتف العاديه ، اصلا اشوف بالمجمعات في بنات لابسين عبي بدون ملافع يحطون الشيله على الكتف ما يغطون راسهم .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.