فطيرة الدجاج اللذيذة

السلام عليكم خواتي الحبيبات

اليوم سويت فطيرة الدجاج الشهيه وان شاء تجربونها وتعجبكم

المقادير
دجاجه وزن كيلو منظفه
كيس سبانخ مجمد
علبة مشروم مقطع
بصله بيضاء كبيره مقطعه شرايح
2علبة بف باستري شرايح
1جبن غلاسات صغير (التعاون حلو لأنه مو وايد مالح)
1علبة قيمر
مكعبين ماجي (غير موجوده بالصوره)
بهارات عدله حق فوح الدجاجه(حسب الرغبه)
بيضه مخفوقه+سمسم للتزيين

[IMG][/IMG]

الطريقه

نفوح الدجاجه مع البهارات العدله (هيل ودارسين ومسمار وورق غار) لغاية ما تستوي الدجاجه

ولما تبرد نسحبها ونتركها على جنب

الحين نخذ البصل الشرايح ونحط عليه شوية دهن ونحمسه مع ماجي

ثم نضيف السبانخ بعد مانصفيها من الماي ونحمس شوي

ثم نضيف المشروم المقطع وعلبة القيمر والجبن ونخلط زين

[IMG][/IMG]

آخر شي نضيف الدجاج المسحب ونخلطهم ونرش عليه شوية فلفل أسود يعطي نكهه وريحه حلوه

الحين ناخذ شرايح البف باستري ونرقهم على سطح مرشوش بالطحين لغاية ما تصير مستطيله

بالشكل هذا
[IMG][/IMG]