السلام عليكم ورحمة الله وبركاته
الطلبة والطالبات عندهم 7حصص باليوم
وكل أبلة تطلب منهم وااااااااجب ..يالللللللللللله 
وأحيانا مو واجب لأ ..حل أسألة بالصف…وكل حصة نفس الشي …لووووووووعة صح 
عقب هالضغط صار شعور الطالب والطالبة إذا كان عندها واجب جذي
خلاااااااااااص لاعت جبده كله.. حل أسألة ..أوامر ..واجبات …دراسة
إحنا ألحين نبي التغيير
وهذا الشي بيدنا
وما يكلفنا شي
نبي شعورهم يصير
اللللللللللللللله ونااااااااااااااسة
عندنا واااااجب…بسرعة بروح البيت أحله
يلى نبدي فكرتنا
الأطفال يحبون الشخصيات
والشخصيات الله مكثرهم …بكل مكان متوفرين وبأسعار مختلفة
أم خماس
تويتي
بارني
تلتبيز
وهذيلا عبارة عن دمى تلاقينها بكل مكان حتى بالأسواق الشعبية
أولا :فكرتي للواجب وورقة العمل إللي في الدفتر
مو في الكتاب
أحضر الشخصية المحببة للأطفال وهي تنباع في المحلات بأحجام مختلفة
وأعلق بيدها كيس متوسط الحجم بحيث إنه يشيل أوراق الواجب إللي بتوزعينها
أو أحط ظرف كبير لونه مناسب للشخصية يشيل اوراق العمل أو أوراق الواجب
طريقة تقديم الواجب أو ورقة العمل
بدال ما أقولهم اليوم عندنا واجب ومطلوب نحله وعليه درجات وووووو الكلام الروتيني الممل المعتاد
لااااااااااااااااااا نبي نغير
أقولهم اليوم يايتنا شخصية نحبها …أم خماس مثلا
أم خماس اليوم يايبة معاها شي
أقوم أفتح الجيس ..
وعاد هني إنتي لازم تكونين مرحة شوي
أوووف شوفوا يا حلوين أم خماس يايبة أوراق تبينا نحلها
مسكينة مو عارفة تحلهم …بس أكيد إنتو شطار وأذكياء
راح تاخذونهم وتلزقونهم بالدفتر وتحلونهم بالبيت وتيبونهم باجر
باجر راح تيي أم خماس مرة ثانية وبتشوف الحل ..عفية خلونا نساعدها أوووكي
جذي
إنتي قدمتي الواجب بطريقة يحبونها
تدرين شراح يصير
الطالب بالبيت راح يتشوق يحل الواجب وماراح ينساه لأنه يبي يساعد الشخصية إللي يحبها
ترى أهما بهالسن خيالين ..وصج راح يتخيلون إنهم مو قاعدين يحلون واجب ..لأ .أهما بيساعدون أم خماس
وصج عاد
يبي معاج الشخصية الحصة إللي وراها وخلي معاها رسالة مكتوب فيها
ها يا شطار ساعدتوني حليتوا الأسألة إللي مو عارفتها
هني
تعالي شوفي الحماس كل واحد بيطلع الواجب …يبي يوري أم خماس إنه ساعدها
مو نفس قبل قصب يحل الواجب ,,وزف ..وضيقة خلق
ثانيا إذا تبين تحلين معاهم أسألة بالصف
من خلال الكتاب المدرسي
نفس الطريقة بالضبط بس حطي بالجيس أو الظرف ورقة
وقولي لهم بارني مثلا اليوم معاها رسالة ما أدري شتبي
يلى خلونا نقراها
بارني تقول إنه في صفحة 65 في سؤال تحت مكتوب عليه السؤال الثاني
مو عارفة أحله في أحد يقدر يساعدني…يلى خلونا نفتح ص 65 ونساعد بارني
صدقوني
راح يفتحون بكل نشاط ..وراح يفكرون بكل طاقتهم ..مو عشان ياخذون درجة لااااااا ,,,
عشان يساعدون الشخصية إللي يحبونها
كل وحدة تبدي تغير طريقتها
ترى التغيير بيدنا إحنا يا الأبلات
على الرغم من كل التحديات إللي نواجهها
حلوة التحديات هاااا 
من قرارات وتخبط وإحباط
بس إحنا نبي نغير
عشان نحبب عيالنا بالمدارس
السلام عليكم ورحمة الله وبركاته
الطلبة والطالبات عندهم 7حصص باليوم
وكل أبلة تطلب منهم وااااااااجب ..يالللللللللللله
وأحيانا مو واجب لأ ..حل أسألة بالصف…وكل حصة نفس الشي …لووووووووعة صح
عقب هالضغط صار شعور الطالب والطالبة إذا كان عندها واجب جذي
خلاااااااااااص لاعت جبده كله.. حل أسألة ..أوامر ..واجبات …دراسة
إحنا ألحين نبي التغيير
وهذا الشي بيدنا
وما يكلفنا شي
نبي شعورهم يصير
اللللللللللللللله ونااااااااااااااسة
عندنا واااااجب…بسرعة بروح البيت أحله
يلى نبدي فكرتنا
الأطفال يحبون الشخصيات
والشخصيات الله مكثرهم …بكل مكان متوفرين وبأسعار مختلفة
أم خماس
تويتي
بارني
تلتبيز
وهذيلا عبارة عن دمى تلاقينها بكل مكان حتى بالأسواق الشعبية
أولا :فكرتي للواجب وورقة العمل إللي في الدفتر
مو في الكتاب
أحضر الشخصية المحببة للأطفال وهي تنباع في المحلات بأحجام مختلفة
وأعلق بيدها كيس متوسط الحجم بحيث إنه يشيل أوراق الواجب إللي بتوزعينها
أو أحط ظرف كبير لونه مناسب للشخصية يشيل اوراق العمل أو أوراق الواجب
طريقة تقديم الواجب أو ورقة العمل
بدال ما أقولهم اليوم عندنا واجب ومطلوب نحله وعليه درجات وووووو الكلام الروتيني الممل المعتاد
لااااااااااااااااااا نبي نغير
أقولهم اليوم يايتنا شخصية نحبها …أم خماس مثلا
أم خماس اليوم يايبة معاها شي
أقوم أفتح الجيس ..
وعاد هني إنتي لازم تكونين مرحة شوي
أوووف شوفوا يا حلوين أم خماس يايبة أوراق تبينا نحلها
مسكينة مو عارفة تحلهم …بس أكيد إنتو شطار وأذكياء
راح تاخذونهم وتلزقونهم بالدفتر وتحلونهم بالبيت وتيبونهم باجر
باجر راح تيي أم خماس مرة ثانية وبتشوف الحل ..عفية خلونا نساعدها أوووكي
جذي
إنتي قدمتي الواجب بطريقة يحبونها
تدرين شراح يصير
الطالب بالبيت راح يتشوق يحل الواجب وماراح ينساه لأنه يبي يساعد الشخصية إللي يحبها
ترى أهما بهالسن خيالين ..وصج راح يتخيلون إنهم مو قاعدين يحلون واجب ..لأ .أهما بيساعدون أم خماس
وصج عاد
يبي معاج الشخصية الحصة إللي وراها وخلي معاها رسالة مكتوب فيها
ها يا شطار ساعدتوني حليتوا الأسألة إللي مو عارفتها
هني
تعالي شوفي الحماس كل واحد بيطلع الواجب …يبي يوري أم خماس إنه ساعدها
مو نفس قبل قصب يحل الواجب ,,وزف ..وضيقة خلق
ثانيا إذا تبين تحلين معاهم أسألة بالصف
من خلال الكتاب المدرسي
نفس الطريقة بالضبط بس حطي بالجيس أو الظرف ورقة
وقولي لهم بارني مثلا اليوم معاها رسالة ما أدري شتبي
يلى خلونا نقراها
بارني تقول إنه في صفحة 65 في سؤال تحت مكتوب عليه السؤال الثاني
مو عارفة أحله في أحد يقدر يساعدني…يلى خلونا نفتح ص 65 ونساعد بارني
صدقوني
راح يفتحون بكل نشاط ..وراح يفكرون بكل طاقتهم ..مو عشان ياخذون درجة لااااااا ,,,
عشان يساعدون الشخصية إللي يحبونها
كل وحدة تبدي تغير طريقتها
ترى التغيير بيدنا إحنا يا الأبلات
على الرغم من كل التحديات إللي نواجهها
حلوة التحديات هاااا
من قرارات وتخبط وإحباط
بس إحنا نبي نغير
عشان نحبب عيالنا بالمدارس
جزاااااااااج الله ألف خير
مع إني أدرس متوسط وماتنفعني هالأفكار بس أقدر فيج حب نشر الفائدة للجميع
مأجوره إن شاء الله حبيبتي بس لا تنسين تحتسبين لوجه الله تعالى
ماشاء الله عليج يا ابلة
يعطيج العافية
شاكرة لكم مروركم الكريم
ما شاءالله ع ليج افكارج حلووووووه وسهله ..
والله يجعل هالافكار الحلوة بميزان حسناتج
شاكرة لكم المرور
ويلى كلنا نبدي التغيير
نبي عيالنا يقولون
الله عندنا واااااجب ونااااسة
ماشاء الله خوووش فكره والله
بس ياليت تجيبين لنا افكار للمتوسط ثامن وتاسع .. تكسبين فينا اجر
الله يعطيج العافية وفكرتج روووووعة انشاءالله تنجح و