فكره وايد حلوه لتوفير الفلوس

اليوم باذاعة القران بدولة الكويت كانوا مستضيفين شخص له خبره ويقدم النصايح ومنها عملية التوفير وحسافه ما عرفت اسم هالشخص وكان كلامه جدا جميل ومقنع وافكاره رائعه

وبصراحه اعجبتني وايد الفكره ومن الشهر الياي راح اجربها ان شاء الله

قال نجيب خمس اظرف

الظرف الاول نكتب عليه الاسبوع الاول
والظرف الثاني نكتب عليه الاسبوع الثاني
والثالث نكتب عليه الاسبوع الثالث
والرابع نكتب عليه الاسبوع الرابع
والخامس نكتب عليه للتوفير

طبعا الاظرف الاربعه الاولي هي راح تمثل لنا الشهر (اربع اسابيع)

وراح نقسم فيها مصروفنا او راتبنا بشكل متساوي في هذي الظروف الخمسه

ونبتدي نصرف من ظرف الاسبوع الاول للاسبوع الاول

ونصرف من الظرف الثاني للاسبوع الثاني

ونصرف من الظرف الثالث للاسبوع الثالث

ونصرف من الظرف الرابع للاسبوع الرابع

وبهذي الطريقه راح نشوف كم صرفنا وكم وفرنا

واللي توفر او بقي من اي ظرف نحطه علي ظرف التوفير

وبهذي الطريقه راح نعرف كيف نوفر

وقال ابدا ابدا ابدا لا تصرفون من كرت الكي نت او كرت البنك لان راح تصرفون منه بدون ما تحسون والافضل يكون الصرف عن طريق الكاش

للاسف زاد التبذير بحياتنا وصرنا نصرف المال بدون اي وعي

والاهم من هذا قال لازم تحطون هدف للتوفير

يعني مثلا قال ابي اوفر الف دينار وهذا هدف حلو انه يتحقق

لان اذا ماكان عندنا هدف راح يكون صرفنا للمال بدون معني وما راح يبقي شي اسمه توفير

ان شاء الله قدرت اوصل لكم الفكره حسب ما سمعتها اليوم من الاذاعه