فندق سفير الفنطاس لأحلى أجواء رمضانية غبقة وسحور

السلام عليكم ورحمة الله وبركاته ..

حبيت أفيدكم بنات ولو أن الإفادة متأخرة شوي .. سوري ..

فندق سفير الفنطاس عندهم غبقة وسحور يبلش من 8 بالليل حتى 3 الفجر ..

بوفيه وايد حلو خاصة السلطات .. المأكولات الرئيسية يعني حليوه ..

والسويت رووعه ..

رحت أنا وريلي بس ماقدرت أصور سوري ..

بس بحط لكم الإعلان اللي وصلني بالإيميل ..

وهذا موقعهم ..

http://www.safirhotels.com/destination.aspx

للأمانة البوفيه حلو وسعره 10 دنانير للشخص .. وخدمتهم روعه ..

يحطولكم ماي بالقلاص تشربون منه .. ينقص منه شوي بسرعه يردون يترسونه خخخخ ..

المشروبات فري .. ومشروباتهم منوعه من عصاير ومشروبات رمضانية ..

الشيشة تكون برة والبوفيه داخل يعني اللي يتضايق من ريحة الشيشة لا يحاتي ..

من ناحيتي وايد أستانست عليه ..

وأتمنى يعجبكم ..