فن النحت والتشكيل .حرام ولا حلال؟

السلام عليكم، شلونكم بنات؟

باختصار انا صارلي فترة تدينت الحمدلله…
قبل لا أتدين كانت هواياتي الرسم بأنواعه والعزف على الآلات الموسيقيه بأنواعها من يوم وانا صغيره، المهم قطعت عن كل هذي الأشياء الحمدلله لأن حرام.
وفي شي شد انتباهي وحاولت أستفسر عنه بس للحين مو متأكده اذا حرام أسويه ولا لأ…

تعرفون طبعا فن التشكيل والخزف… ودي أمارس هالهوايه بس اللي سمعته انه حرام اذا كان التشكيل لذوات الأرواح يعني اللي له عين وحلج…إلخ وخصوصا الإنسان والحيوانات عزكم الله.

سؤالي هل يجوز اني أمارس هالهوايه بس التشكيل والنحت يكون على أشياء جماد أو أكل مثلا كرسي، كيكه شكل عصير! ههههه لا تضحكون! يصير ولا لأ؟

وانا سمعت انه الأشجار والنباتات والفواكه عادي! بس شلون عادي تظل النباتات والأشجار كائن حي ذات روح!

هل المغزى انه بس اذا في عين وأذن وخشم…إلخ هذا حرام؟
ولا أي شي من صنع الله سبحانه وتعالى حرام؟

مو فاهمه ياريت اللي تعرف بهالشي تفيدني واذا ممكن مع أدله موثوقه من أحاديث وآيات، لأن خاطري أسوي بس أكيد مابي أسوي شي ما يرضي ربي!