فيني حرة من اهل ريلي يبطون الجبد وماني بالحسبة .!!!!!!!!!!!!!

السلام عليكم ورحمة الله وبركاته …. بعد التحية
بدخل بالموضوع …. بصراحة يوم العيد زايرة بيت خالتي ام ريلي وفجأة خالة زوجي مسوية حادث ومتعورة .المهم انا كنت موجودة باللحظة اللي درينا بالخبر بعدين قعدت شوية لين الساعة 5 العصر ورديت البيت ويوم الجمعة يوم الزوارة رحت اودي عيالي بيت يدتهم كانو يحنون يبون يروحون ولما وديتهم ما كان ودي انزل بعدين قلت بيني وبين نفسي خل انزل واسلم مهما يكون ولا اشوف كاشخين ويبون يطلعون قلت حق حماتي عسى ما شر وين بتروحون شان تقولي نبي نروح حق خالتي نبي نتحمدلها بالسلامة وشان اقولها ليش ما قلتولي شان تقولي تبين تيين تعالي حياج ورحت معاهم وانا بصراحة منقهرررررررررة ليش ما يعلموني؟؟؟؟ لأن مو اول مرة كذا مرة ما يقولون والمشكلة صاحبة الشأن تتشره علي وتقولي ليش ما ييتي . يعني وايد في شغلات تصير مناسبة مثلا ولا ولادة ولا اي مكان ما يعلموني مع اني زينة علاقتي معاهم ومالي شغل بأحد بس ليش يعاملوني بهالطريقة . يا ترى مريتو بناس نفس اللي عندي ؟؟ولا لاارجو الرد وشاكرة لكم وكل عام وانت بخير

واسفة اني طولت عليكم…