في احد جرب د سميرة العوضي

أنا جربته لما حملت أول مرة

طبعا ما طلبت ولانوع تحاليل و لا حتى سألت عن فصايل دمنا انا و زوجي

و قالت لي شربي نعناع و زعفران كثر ما تقدرين حطيهم بكل شي (بعدين دريت انهم يسببون اجهاض)

اهيه ماشاءالله عليها ايمانها قوي

بس مو معنى هذا انج لما تقولين لها بسوي تحاليل اتطمن تقول لج خليها على الله امهاتنا قبل ماكان عندهم تحاليل و لاشي

بس ياربي وقتنا غير عن قبل ، قبل ماكان عندهم الحين كل شي متوفر و المفروض نبذل الأسباب

و بعد ما طاح الياهل رحت لها

طبعا خذتني السستر من الرسبشن لما فراش السونار و قالت لي ياللا فصخي

يت الدكتورة سوت لي سونار و قالت لي بس ما تحتاجين شي بس دوا الحين اكتبه لج تاخذينه لمدة شهر و بعدها تحملين

و انا قاعدة البس جان اتيي السستر و تعطيني الوصفة و قالت خلاص روحي

قلت لها انزين عندي اسأله قالت بس خلاص الدكتورة قالت خلاص بس اخذي الدوا

المهم اخذت الحبوب حسب ما شرح لي الصيدلي

طبعا هلكت من الأعصاب و الاكتئاب

امي قالت لي خلاص هديهم لا تكملين

خذيتهم 3 ايام و اهما المفروض لمدة شهر

بعدها لما راجعت عند دكتورة ثانية قالت لي منو اللي كتب لج هالادوية هذي مضرة حيل

و شلون تقولج حملي على طول ما يصير اصلا الرحم ما يكون راجع لحجمه الطبيعي

هذا غير انها سوت لي سونار داخلي و انا حامل و ايدها ثقيلة قمت ابجي بجي لما طلعت و الله ان الالم تم معاي 4 ايام بعدها

يمكن تكون غلطة طبيب لكن بصراحة تبهذلت معاها
المهم توبه اروح لها