بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم رحمه الله وبركاته
سؤال : في قرار وزاري يمنع المدرسه من انها تلبس بنطلون داخل المدرسه؟؟
وهل يحق للناظر تتدخل في لبس المعلمات ..؟؟وتطلب منهم يلبسون تنانير؟؟ او تعطيهم لفت نظر <<
ادري سؤال غريب شوي …. وادري الوزير تلبس بنطلون … بس قلت يمكن يكون في قرار من هالنوع .gif "Eh S(12)")
لان وحده من بنات خالي صار لها موقف …. واستغربت خصوصا انها بمبارك الكبير يعني الوضع اتوقع عادي هناك!!!!!
السلام عليكم رحمه الله وبركاته
سؤال : في قرار وزاري يمنع المدرسه من انها تلبس بنطلون داخل المدرسه؟؟
وهل يحق للناظر تتدخل في لبس المعلمات ..؟؟وتطلب منهم يلبسون تنانير؟؟ او تعطيهم لفت نظر <<
ادري سؤال غريب شوي …. وادري الوزير تلبس بنطلون … بس قلت يمكن يكون في قرار من هالنوع
لان وحده من بنات خالي صار لها موقف …. واستغربت خصوصا انها بمبارك الكبير يعني الوضع اتوقع عادي هناك!!!!!
اب لعيونج
بس الناظره تقيم المدرسة على لبسها وكل ناظره على كيفها في ناظرات عادي البنطرونات وحتى الليغنز وفي ناظرات لا
اذا عادي ولا لآ
بس في بعض الإدارات متشدده من هالناحية خاصة مدارس الاولاد
والبنات بعد في ناظرات تمنع لبس البنطلونات
احنا ناظرتنا عادي نلبس بنطلون بس بشرط التوب يكون طويل لي الركبة
باي حق الناظره تعطي قرار مو نازل من الوزاره ؟؟
اذا شــافت ان المدرسـات قاعدين يـلبـسوونه مع بـلوزات قصيره و ضيجـه و مرتـصيــن فيه رص ..
اهني من حقــها تمنــع بــس .
بس اهو قـراار ان المدرسه ما تلبس بنـطلون مــــــــــافي
لكن من حقها الناظره تمنع لبس البنطلون ,,
يعني الناظره لها الحق تطلع اي قرار تشوفه في مصلحة العمل وتعممه ولازم الكل يلتزم فيه
مع اني اشوف البنطلون استر بواااااايد من اشياء ثانيه
ومشكوره ياضحاوي <<< ناظره المنتدى
ناظرتنا احنا ياريت على البنطلون
حتى على الشباصه الكبيره قالت خففوها
بس الامر يختلف من مدرسة لثانية حسب الادارة.
أنا أعرف مدرسة ردتها الناظرة للبيت عشان تبدل البنطلون
بس يا بنات صراحة في مدرسات over صراحة تستحين تطالعين فيها بنطلون ضيق شوي وينشق والبلوزة قصيرة ما تلومين الناظرة فيها أما اذا كان محتشم و قميص طويل ما أظن في مشكلة
وسلامتكم
بس البنطلوووووووووووووون ممنــــــــــــــــــــــــــــــــــــــــــوع لو ان شاء الله فوقه بالطو واصل .. لجوتيج
الناظرة ما تقدر تعترض عل لبس الوزيرة وتحط حرتها علينا احنا المدرسات!
هذي الوزيرة تلبس بنطلون وبلوزة قصيرة ماشوف نسرات المدارس اعترضوا على لبسها لانهم جبناء، فيهم استعراض قوة خلهم يواجهون الوزيرة براسها ويعترضون على لبسها، عشان تنقفهم من الوزارة بكبرها
بس يحطون حرتهم فينا احنا المدرسات لان تقاريرنا بادينهم
الحمدالله ناظرتي اتحب الكشخة وما تمنعنا من لبس البناطيل ولا لبس البلايز القصيرة بشرط ما تكون مرصرصة الابلة
اصلا تنفتح نفسيتها اذا شافت الابلة زقرتية ومرتبة وتلبس الوان زاهية وحلوة وناعمة
وبعدين انا ماني فاهمة سالفة البلوزة الطويلة لي الركب! جني لابسة زي باكستانية! بالله اذا ما لقيت بالسوق بلوزة طويلة تناسب ذوقي! يعني انحرم من لبس البنطلون؟
استغفر الله000 والله احتريت من السالفة
ناظرتي الحين ستايلها كلاسيك وتحب اللبس الرزه والكلاسيكي
وما تواااااااطن الابلات اللي يلبسون ترينق تقول الترينق للنادي والشاليه مو للدوام
الصراحه زين تسوي فيهم لووووووووووول
معاها حق شكلهم يفشل
فيه ترينق شكله بيجابه جنه الابله نايمه فيه وقاعده الصبح مغسله ويها ومداومه فيه