في مرة اخطبج أحد من الأهل ورفضتيه ؟؟ مرة وحده اللي تعرف تفسر الأحلام تدش

قوة بنات

في مرة اخطبج احد من الأهل ورفضتيه ؟؟؟؟؟
وشلون نظرتكم لبعض لما تشوفون بعض الحين ؟؟؟؟؟؟

ابدي انا

انا خطبني ولد خالتي وانا بالجامعة ،، اكتشفت انه يبيني من جم سنة وانا ولا بالباااااااااااااااال ،، والله ولا ادري عنه ،، لاني اسمع انه عنده وايد علاقات واشكره يتكلم جدامنا فعارفة انه بيتزوج من وحده من اللي يعرفهم ،، بس لما صج بغى يتزوج

اكتشفت انه كان يبيني من زمان

اما علاقتي معاه ومع خالي وزوجته بعد رفض الخطبة وزواجي من زوجي ،، للحين وبعد مرور سنين على هالموضوع دايما سلامهم على زوجي بنفس خايسة ،، بس انا يسلمون علي عادي بس بالمناسبات الخاصة فيني مرت خالي وبناتها يروحون لكل وحده تولد بالعايلة الا انا شايليني من القائمة

اتوقع للحين شايلين بقلبهم علي بالذات ان ولدهم ما توفق بزواجه مرتين ومرة فل الخطبة يعني 3 مرات ،، احسهم يقولون كله منج لو موافقة جان ماصار اللي صار

للحين ومع انه والله ما ايي في بالي ولا يهمني ومن زماااااااااااااااااااااااان مو شايفته ومع انه صار كله ويا زوجي وصاروا يقعدون بفترة من الفترات مع بعض ،، بس الحين زوجي هم من زمان ما شافه الا اني بين فترة والثانية احلم فيه انه يشوفني ويخزني ويبتسم بس تطيح عيني بعينه ،، ودايما بحلمي انه بيسلم علي بس يكون منحرج او بيقولي شي بس يبتسم ويخش الكلام بقلبه يعني جنه بيتكلم ويهون بس عموما دايما بأحلامي يبتسم لي بس ما يتكلم ويستحي يسلم علي

وجم مرة اسأل امي اقولها ما ادري ليش احلم فيه جذي مع اني ما افكر فيه ابد ،، تخيلوا ساعات اكون طالعة او مسافرة مع زوجي ومتسوقين ومستانسين ولااااااااااااهية بيومي انام احلم فيه انزين شكوووووووو ؟؟؟؟؟

ابي مشاركاتكم وجان زين تعرفون ليش احلم فيه جذي وشنو معنى هالأحلام اللي تيي بين فترة والثانية ؟؟؟؟