قانونيات الدوله هلمووا

السلام بنات

راح ندخل الاسبوع الرابع والنقابه حملتني رساله اوصلها لكم

تناشدكم انكم تكملون بنفس القوه والعزيمه

الحكومه قاعده تتعثر واصدرت اكثر من حل وكلها حلول ترقيع

طلب مغاربه من بره – نقل قانونيين- زياده الفتوى والتحقيقات – واليوم زادوا القانونيين الوافدين

بأختصار الموضوع صار اهانه وتحدي وعناد

وكل هذا علشان مسمياتنا

ترضون تشتغلون عقب كل هذا ؟؟ ماا اظن بصراحه تقبلونها

كل هذا ترقيع بترقيع واحنا الاساس

وتناقشنا على اساس نلاقي حل ثاني لكن لابديل لاستمرار الاضراب

اهوالي قاعد يعورهم ويساومونا علشان نرجع نشتغل

كل هذا علشان عيال الهوامير ماحد يزعل

بالنسبه للنقل الي صار

تم نقل مجموعه باحثين وجاري التصدي لها الشي ووكيل وزاره العدل يرفض مقابله نقابه القانونيين

بنات

ترى تعبنا واااايد

وهالجهد كله بيروح

نبي وقفه وحده

بليز توبكات تلفوناتكم والواتس اب تتغير((لاتمييز بين القانونيين))

الي عندها اكاونت بتويتر تحط شعار الاضراب وتخلي التايم لاين يعبر عناا

توقيع بالمنتدى بغيت احط لو جمله وحده وهي لاتمييز بس حاليا التواقيع معلقه بس يتصلح الخلل بحط

نبي الهمه والقوه

انتوا اصحاب حق وماترضون عقب هالتجاهل وهالاستفزاز انكم نرجعون استغفر الله سوري جنكم رضختوا وانكسرتوا

كل بنت فيكم تأأأأثر

بنت سلبيه وحده تأثر

وبنت شجاعه وحماسيه تأثر على غيرها وتساعد المجموعه توصل للهدف

لاحل الا بالاضراااب

لا حل الا بالاضرااب

وخلوا الكويت تحجي فيكم بتوبيكاتكم وصوركم الشخصيه وتواقيعكم

نبي وقفه وهاااااااااااانت هااااااانت طاف شهر والله والله وانا مسؤوله عن كلامي جدامكم ماراح يصمدون اكثر

يعني نطرتوا سنين نطروا بعد من اسبوعين الي ثلاااااث بالكثير

بس خلوا العمل وتأثيركم على الاضراب وااااضح رفضوا رفض تاااااااام وخلوا الخساير تبين واااضحه

الي تشتغل بتضر الكل

هذه الرساله وصلتها ومع بعض يا بنات ما نرضى بالظلم وهالي صار يزيدنا اصرار ما يحبطنا

لاتمييز بين القانويين

لا تمييز بين القانويين

لاتمييز بين القانويين