قرقيعان مدونة كويتيات النسائى غير – عدل

بعد قاعدين لا شغلة ولا مشغلة بس نحاتى القرقيعان عاد الحين هالموضوع اهو الى راح يهز الشارع الكويتى بس نطرى جم يوم وتشوفين الاعلانات بدت والسوالف كلها عن القرقيعان وانا بسوى وانا بحط

انا عارضتهم بسلوى

والله يابنات هذا ثالث رمضان اسوي للعايله قرقيعان
يعني لخواتي واخواني وعيالهم
طبعا ما ابيع
بس بعطيكم بعض الافكار
مره اخذت الدبب الصغار ولزقتهم على جيس القرقيعان ودايما احط الجيس يكون راهي عشان الياهال يستانس مو اللي يشترونه وي عليه كلها حبتين اوكيوالباجي محزر وطبعا آخذ القرقيعان شوي من الصيداوي على جم شغله ادخلها يعني مصاصات تشوباتشوبس و جاكليت وكاكو صغار مثل مارس وسنيكرس وتويكس
طبعا قرقيعان الرفاعي احلا بس وايد يطلع علي اغلا
والدبب تصلح لليهال اللي اقل من خمس سنين
وللبنات آخذ باربيات صغار او دولز بناتيه واحطهم
وعلى ايام فروحه وعبود يبتهم هم كانو صغار كبير كف الايد وحطيتهم
وطبعا البطاقات تكون صور وانا ادخل عليها الكلام والشهر واساميهم

ترى الشغل يتعب خصوصا اذا كل وحده من خواتي تبي فوق 200 حبه
بس تدرون شنو وناسه ؟؟
اي وللصبيان الحوين يبت لهم الشاحنات وحطيت علبة القرقيعان فوقها
عادانتوا وافكاركم

السلام عليكم حبيت اقلكم فكرة مرة وحدة سوت قرقيعان كان عجيييب وغريب وحلو بنفس الوقت

كانت حاطة الققرقيعان داخل قوري ملبس مال الجاي مال اول اللي لنه ابيض و احمر وداخل القوري حاطة تي باق (جيس الجاي) حاطة شاي نعناع وجايى دارسين يمكن 5 انواع جاي هذا غير الحلاو و الكاكاو داخل القوري كانت فكرته وايد حلوة وغريبة

السلام عليكم حبيت اقولكم فكرة مرة وحدة سوت قرقيعان كان عجيييب وغريب وحلو بنفس الوقت ….كانت حاطة الققرقيعان داخل قوري ملبس مال الجاي مال اول اللي لنه ابيض و احمر وداخل القوري حاطة تي باق (جيس الجاي) حاطة شاي نعناع وجايى دارسين يمكن 5 انواع جاي هذا غير الحلاو و الكاكاو داخل القوري كانت فكرته وايد حلوة وغريبة