بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلا م عليكم
طبعا الموضوع امبين من عنوانه؟؟؟؟؟؟
خلينا انتشارك ونسولف كل وحده من الخوات تقولنا
شنو سوت حق القرقيعان من فناتق السنه اللي طافت
يعني شنو لبستي؟؟؟
شنو لبست اعيالها؟؟ شنو سوت لهم القرقيعان؟؟
اشلون اعرضت القرقيعان؟؟(يعني طبق عربانه سله الخ الخ الخ )
موضوع حلو واتمنى من الخوات المشاركه تدرون نحب التميز وارمضان شرفه الله في من الاشياء الحلوه اللي نحبه والحمدلله متمسكين فيها واهي القرقيعان يالله يالله بس سولفت وايد وروني همتكم معاي خلينا انهذر وانسولف اشوي.gif "Eh S(6)")
السلا م عليكم
طبعا الموضوع امبين من عنوانه؟؟؟؟؟؟
خلينا انتشارك ونسولف كل وحده من الخوات تقولنا
شنو سوت حق القرقيعان من فناتق السنه اللي طافت
يعني شنو لبستي؟؟؟
شنو لبست اعيالها؟؟ شنو سوت لهم القرقيعان؟؟
اشلون اعرضت القرقيعان؟؟(يعني طبق عربانه سله الخ الخ الخ )
موضوع حلو واتمنى من الخوات المشاركه تدرون نحب التميز وارمضان شرفه الله في من الاشياء الحلوه اللي نحبه والحمدلله متمسكين فيها واهي القرقيعان يالله يالله بس سولفت وايد وروني همتكم معاي خلينا انهذر وانسولف اشوي
ترى مانبي شي نبي انسولف
وانا قلت السنه اللي طافت مو هالسنه
جم وحده ادخلت وماردت موخابرتكم جذي
انا زعلت من صجي.gif "Eh S(11)")
.gif "Eh S(11)")
وثانى شي انا سويت السنه الى طافت بس حق الكبار بس بصندوق كبير وعيالى وعليه ما يقدرون يشيلونه فشلنا انا وريلى لانه كان وايد عود ولبست عيالى فنيله البيضة الى تنلبس تحت الدشداشه ويبت وزار كبير وخيطته على شكل تنوره لف وفيه من فوق سير وصروال مكسر وصج حلو شكلهم وغترة بعد
صج يضحكون بس شكلهم غريب محد لابس مثلهم
و العام يا طويلة العمرعيالنا كانو معاريس الله يسلمج يعني كشخة المعرس و العروس ايام اول ربي يخليهم و ينشيهم و يصلحهم ان شاء الله
احنا ما سوينا قرقيعان كان عندنا وفاة..
هالسنة الله كريم للحين ما ندري
عاد عندنا بنت وولد الله يعينها على الخساير..
احنا ماسوينا شي غريب.. بس كل القرقيعان اللي للكبار والصغار حطيناه بكورنر نفس اعياد الميلاد .. واليهال من كل عايله لبسوا لون يعني البنات بخانقهم الوانهم مختلفه واليهال جياسهم وقحافيهم نفس الوان البنات يعني كل عايله لون وهذا كان اتفاق طبعا.. بس القرقيعان كل ام وفناتقها.. الكبار طبعا لهم اشياء مميزه مثل الصناديق الحلوه المزينه والصواني الفضيه يكون داخلها مبخر ومرش وبخور ودهن عود وموزع على الصينيه ككاو وقرقيعان.. هذا طبعا لوحده من الامهات..
ووحده ثانيه حاطه داخل صندوق شيله وثوب صلاة ومسباح ودهن عود مع القرقيعان.. هذا للام العوده والابو العود ..اذكر وحده يابت له صندوق فيه مسباح وعطر وقرقيعان.. ووحده يابت صندوق فيه غتره وقحفيه ودهن عود وقرقيعان مع ككاو.. واليهال من كل عايله اهم اللي يقدمو للجدان القرقيعان ..
وطبعا شغلنا اغاني قرقيعان وصفقه وهيصه ووناسه
هذرت وايد عشان الفنانه ماتزعل
…وهذي ورده عشانك.gif "Eh S(17)")
دهن عود امبخر ماشاء الله افكاركم اتهبل وعسى الله يهنيكم ويعطيج الف عافيه على الرد اللي يبرد القلب
لبست عيالي دشداشه و السديري و القحفية
وسويت تقريبا خمس اشكال حق القرقيعان غير قرقيعان اليهال
وصفيناهم بالعرباين و حطيناهم بزاوية الصالة
و علقنا الفوانيس على كبر الصالة و خلينا ديكور الصالة يصير جنه قديم
و حطينا اغاني القرقيعان.gif "Eh S(9)")
و الحريم الكبار ( العيايز ) حطوا يمهم الزبيل و اليهال قعدوا يفترون على
وحدة وحدة و يقرقعون عليها.gif "Eh S(9)")
و شغلات وايد والله سوينه
وانا لبست دراعة و شريت جيس قرقيعان حقي
و كل قعد يسألني عنه
وماشاء الله استانسنا و هيصنا و اهم شي اليهال استانسوا
انا كنت ابي تفاعل اكثر من جذي علشان تطلع السوالف
علشان خاطرج بقولج انا شنو سويت حق اعيالي واذا لقيت تفاعل بقول انا شنو لبست واشلون عرضت القرقيعان وشنو سويت حق الحريم الكبار
رحت شريت حق اعيالي غتر يمنيه املونه.gif "Eh S(8)")
وخيطتها على شكل اصديري ووزار واجرينبه(الغتره)
من نفس خام الشماغ وكان فيه لون عنابي وحطيت فيه اشياء امعلقه ماراح اقول لان انا قاعده ابيع منهم >>نحيسه
وبعد في رسومات من ورى الصديري
ولبستهم دشداشه اماراتيه بس شنو مو العاديه (عنابيه) فصار شكلهم غريييييب وكل من يسأل عن لبسهم والله انا ماكنت متوقعه بيكونون جذي
واذا لقيت تفاعل من الخوات راح اكمل
وين العهود… حسافه ماكنتي موجوده..
تصدقين يالفنانه شكلي ببوق افكار لبس الصبيان.. خخخخخخخخخخ
يالله كملي شسويتي بعد..
حبيتي دهن عود عليج بالف عافيه بس مافي تفاعل من البنات ولا كنت امسويه قرقيعان الكبار عجيييب لحد الحين ماشفت احد سواها او ذكرها بالمنتدى
عطونا افكار واعطيكم افكار>>>حدي حدي نحيسه.gif "Eh S(9)")