قصة ممنوع تشيرها على الفيس بوك!!

قصة ممنوع تشيرها على الفيس بوك!!

صحيت الصبح بدرى لقيت الدنيا ساقعة
نمت واتكلفت بالبطانية تانى
صحيت الظهر برضة لقيت الدنيا ساقعة
نمت تانى واتكلفت برضة تانى

صحيت العصر لقيتها برضة لسة ساقعة
نمت تانى واتكلفت برضة تانى
صحيت المغرب و برضة لقيتها ساقعة
لكن كنت جعان الصراحة
دخلت المطبخ لقيت ملوخية بس ساقعة
قلت أطلب دليفرى
قالولى الوجبة هتوصلك برضة ساقعة
قلت أخرج بنفسى بقى
ورغم إن الدنيا كانت برة ساقعة ساقعة
لكنى اكتشفت حاجة غريبة !!!!!
….
….
شفت واحد ماشى بنص كم
وكأن الدنيا مش ساقعة
قلتله إنت مجنون؟!!
حد يمشى بنص كم
كدة فى عز الساقعة
قاللى لأ يا باشا
أنا مش مجنون !!
أنا بس معنديش
جاكيت !!
….
….
رجعت البيت بسرعة
وأخدت جاكيت صغر عليا
ولما اديته الجاكيت
ولبسه وحس بالدفا
قاللى……..
ربنا يديم عليك نعمته!!
….
….
الغريبة إن أنا كمان مبقتش حاسس بأى ساقعة!!
**********
ملحوظة:
………………………………………….. ……………………
إذا أعجبتك القصة إوعى تشيرها,لأن دى مش جدعنة!!
الجدعنة إنك تبص حواليك أكيد هتلاقى حد بردان أو جعان
بس إنت كنت فاكره مجنون,لأنك لما شفته مسألتوش !!
………………………………………….. …………………..

آخر الكلام:

التدين مش كلام
واللا صورة تحطها
وبعدين تنام!!!
التدين يعنى بسمة
بتترسم بدل الآلام
………………………..