قصة ولادتي المفاجئه

مرااااااااااااااااحب ياكروشات
اليوم صار لي شهر من ولدت حبيت اطرح عليكم قصتي ومن مرت بمثل حالتي
سلمكم الله انا جاتني ولاده مبكره نهاية السادس ولدي مستعيل على عمره شكله ماعجبه ييلس في بطني
المهم كنت نايمه الا واحس برطوبه انا فكرت افرازات دشيت الحمام وغيرت ورجعت سريري وشوي نفس الحاله ماكنت عارفه شالسالفه لاني ولادتي الاولى عمليه المهم رجعت نمت واصحى 12 الظهر الا وسريري الله يكرمكم سابح بالماي وبس وقفت نزل ماي واجد قمت اصرخ على ام زوجي ليما جاتني وشافت حالتي وعلى طول طيران للمستشفى رحت خاص وكشفو علي قالت كمية الماي تنقص ومو زين على البيبي لازم ولاده عمليه خفت وقلت لها حوليني حكومه احسن واروح حكومه واجلس تحت الملاحظه 4 ايام بعدها حولوني مستشفى الحرس وجلست عندهم اسبوعين كامله والماي كل شوي ينقص وجلست على المضاد علشان مالتهب ولا يصير للبيبي شي وانا كل يوم اصيح على وضعي ومن القهر اقولهم ولدوني عمليه تعبت بس دكتوري شاطر قال انسي عمليه مادام امور ولادتك كويسه وبالضبط بعد اسبوعين جاتني طلوق من 3 الفجر وانا اتألم بس تحملت صحيح عذاب بس الحمدالله اهون من الم العمليه عندي على اخر لحظه قالو لي تعبت دقات البيبي لازم عمليه واقوم اصرخ اشوى ماجاني انهيار لاني احس البيبي بيطلع وهي تقولي عمليه والحمدالله 9 ونص بالضبط في الليل يوم الاثنين تاريخ 12-3-

ذاحين بطلع اكمل لكم بعدين انتظروني