قصه حقيقه لاروع معاني الصداقه

{قصه عبد الرحمن}
هذه القصه واقعيه دارت احداثها في مدينه الرياض
وكل من علم بتلك القصه عاش ماسأتها~~

الجزء الأول:
عائله عبد العزيز عائله معروفه ابو عبد الرحمن وحصه ام عبد الرحمن وعبد الرحمن ولده الكبير يدرس أخرترم بالجامعه وعمره ٢٢ سنه وأخوه ناصر عمره ٢١ سنه ضابط بكليه الحرس ومنى ٢٥سنه وهي اكبر من عبد الرحمن مدرسه في الثانويه ومريم عمرها١٩أول كليه
وسعاد أصغرهن عمرها ١٥في ثالث متوسط
كانن بنات عبد العزيز مشهورات بالجمال وبالذات منى كان جماله يتعدى الوصف وكلآ يتمنى تكون من نصيبه
الله أكبر
الله اكبر
أشهد ان لأله الأ الله اشهد
ان محمد رسول الله
حي على الصلأه حي على الفلأح
قد قامت الصلأه
الله اكبر الله اكبر
الصلأه خيرآ من النوم
هكذا كان صوت المؤذن لصلأه الفجر
طق طق طق طق
طرقات متتاليه على غرفه ابوعبد الرحمن
أم عبد الرحمن زين زين يامريم انا صاحيه متعودآ ان مريم تصحيهم وفتحت الباب
مريم السلأم عليكم يمه ابوى قام
أم عبد الرحمن وعليكم السلأم ابوك يتوضاء يابنيتي
مريم انا بروح اصحي عبد الرحمن وناصر يلحقون الصلأه وبقعد البنات
أم عبد الرحمن الله يزيدك ويثبتك علي دينه يابنتي
بقول لكم كل بنات حصه محافظات ويخافن الله في كل شي
طبعآ كانت مريم ملتزمه بزياده وهي تدرس تحفيظ قراءن وله هدف واحد ماحققته راح نذكره لكم بعدين
تروح مريم لغرفه عبد الرحمن تصحيه السلأم عليكم
يالله الصلأه قوم يالغالي صلى الله يجزاك الجنه
عبد الرحمن: وعليكم السلأم فديت هالصوت الايدخل الطمأنينه للقلب ماهو صوت هالنزغه سعاد الأ اذا قومتني تقل مغيوله الحين اقوم ولأيهمك مريم كانت الأخت الوسطى بس عبد الرحمن مايشاور الأمريم لأنها حكيمه وهي أكثر وحده فاهمته
مريم:مبتسمه كانت ماتتعب بتقومي عبد الرحمن لأنه محافظ علي الصلأه
تلتفت على ناصر
ناصر ناصر
ناصر:اف اف وش تبين واقفه على راسي تقل ديك
مريم :تبتسم يالله قوم صلى ماتسمعهم اقامواالصلأه
ناصر:_____؟
مريم :يالله الله يرضى عليك
ناصر:زززين اصلى بس عاد
عبد الرحمن: يعدل شماغه لأتحاولين هذا دمه ثقيل ويطلع للمسجد ويتركها مع ناصر
مريم:الله يهديك ياناصر ماتدرى بفضل صلأه الفجر من صلى الفجر فهوفي ذمه الله
ناصر:____
مريم:لأحول ولأقوه الا بالله وتطلع وتتركه بعد عده محاولأت فاشله
تدخل غرفه منى وسعاد وتصحيهن طبعآ مريم لها غرفه لحاله طلبت خواتها يتركنهالحالها لأن طول الليل تهجد وماتبي تزعج أحد الكل عارف مريم لماتقراء القران كان ترتيلها رائع وكان صوت نحيبه يفطر القلب علشان كذا اخذت غرفه لحالهابدون ماتذكر السبب بس الكل عارفها
ابوعبد الرحمن وهوطالع من المسجد معه عبد الرحمن وين أخوك ناصر
عبد الرحمن:ماصلى مريم عجزت وهي تقعده
ابوعبد الرحمن: ايه____يتعب الله يعينه ماهو مثلك فاشل ماتفلح بشي
عبد الرحمن:___ساكت متعود على هالكلأم من ابوه لانه يفضل ناصر عليه ولأن نسبته ماساعدته يدخل رغبه ابوه الكليه البحريه
رجعوا للبيت والساعه سبعه راحو للداومات بعد ماافطرو
بس ابوعبد الرحمن متقاعد تقاعد مبكر لأن رجله فيها كسر لذلك قاعدوه
مصروف البيت على منى وناصر لأن راتب ابوهم مايسد الحاجه
عبد الرحمن ماكان يطلب احد فلوس معه مكافأه الجامعه الأ بالحسره تصرف لهم كانت نفسه عزيزه يموت ولأيمد يده
عكس ناصر الأ بنص الشهر مامعه شي لقله دبرته على الرغم ان منى شائله مصاريف البيت اكثر منه
عبدالرحمن كان من النوع الأ اذاتضايق يكتم ومايحمل أحد همومه
وكان مهتم بدراسته ومتفوق
بالذات ان هذا اخر سنه له ويتخرج وكان ذابح نفسه بالمذاكره

الجزءالثاني:
رن~ رن~ رن~
مساعد:الوه هلأ والله بحصه هلأ بوخيتي الغاليه أم عبد الرحمن
ام عبد الرحمن: مسأك الله بالخير يامساعد(ابوفواز) وينك ماتمر ولأتسلم تقل مالك أختى الله يهديك
مساعد:والله لك الحق تزعلين بس بنيتي ريم تحضر تجهيزات التخرج ومقومه البيت فوق تحت وانا معها
أم عبد الرحمن:الله يهنيها بعمرها ويوفقها شفت الدنيا كبرونا الأعيال
مساعد:اي والله، عبد الرحمن متى تخرجه انشألله
أم عبد الرحمن:يقول الأسبوع الجاي
ابوفواز:خلأص خليه يبلغني علشان احضر تخرجه
أم عبد الرحمن: ابشر،
وشلون فواز ماجاء من الشرقيه
مساعد:لأوالله مقدم على اجازه يبي يجي بس تعرفين يقول مضغوط بالشغل أخويه مأخذين اجازه واذا ارجعو انشاءالله يجي
أم عبد الرحمن:الله يسهل عليه
وأم فواز وشلونها لها فتره ماسمعت صوتها ليكون مونسه ابو فواز:لأوالله مابها غير العافيه بس قاعده تحوس بالمطبخ والبيت ورافضه ان ريم تشتغل معهاتقول وراها مذاكره
أم عبد الرحمن:والشغاله وينها؟
ابوفواز:سفرنها وأجل ماكملت سنتين
أم عبد الرحمن:اي والله ياسرع السنين والله يعينكم
أم فواز عندك
ابو فواز:لحضه يالغاليه
ام فواااز ام فواااز تعالي حصه تبيك
ام فواز:هلأ ام عبد الرحمن ياهلأ والله
أم عبد الرحمن:هلأ فيك وينك يام فواز ماهي عاده لك هالغيبه
أم فواز:تعرفين هالشغل مايخلص
أم عبد الرحمن:اي والله انك صادقه___لحضه يام فواز
خير يابوعبد الرحمن طيب أبشر ألووه ماعليه يام فواز جونا رجال وبسوي القهوه
ولأزم تجين للعشاء الليله نبي نجلس ونستانس وخلى ريم وفاطمه يجن {فاطمه عمرهاست عشر سنه وهي الصديقه المقربه لسعاد بنت خاله}
ام فواز:انشاء الله هواحد يعيف الجلسه معكم، يالله مع السلأمه ماطول عليك
أم عبد الرحمن:مع السلأمه

في الليل وابو فواز وولده علي{عمره عشرين سنه} سهرنين عند ابو عبد الرحمن
واعياله وسوالف وضحك
والحريم نفس الحكايه
منى:بدري ياخاله توى الناس خلى نكمل السهره
ام فواز:مامليت من ريم للحين
انا نعسااااانه
رن رن رن رن جوال ام فواز يقطع سوالفهن
ام فواز:ياهلأ..ياهلأ بالصوت
ليه ادق علي جوالك اليوم مغلق ليكون نائم
فواز:لأ والله ماني نائم بس قلت الليله مانام غير بحضنك يالغاليه ..وينكم مافيه احد بالبيت
ام فواز:ليكون مسويه لأتقول انك في الرياض
تطالع لريم أكيد ان ريموه تدري هي مفتاح الخزنه حقتك
ريم:هههههه اي والله قالي بس ماقلت لك لأني اعرفك ماترتاحين
فواز:يمه اتركى عنك ريم وقولي لي وين انتي
ام فواز:بيت عمتك حصه
فواز:ياحظكم{بصوت واطى لأنه يحب منى بنت عمته وهي نفس الشعور بس حب صامت من الطرفين}
ام فواز:وش تقول ماسمعك
فواز:أقول ردو البيت انا جوعان ابي أكل واذاماجيتم ترى برجع للشرقيه (فواز متلهف على أخبار منى)
ام فواز:يالله جايين مع السلأمه
فواز:ماقفل التلفون يعرف امه ماتقفله على طول بالمخباه
يتسمع
ام فواز:يالله ياريم صوتى لأختك فاطمه تراها اذا قابلت سعاد ومريم ماتطلع اليوم
نبي نمشي
ام عبد الرحمن:فواز دخل الرياض
ام فواز:ايه بس مايعلم لأجاء لحد مايدخل علينا
ام عبد الرحمن:اشوى يابنت الحلأل توى الناس وفواز ماهو ورع
أم فواز:ياعيوني يقول جووعان
قرقش قرقش قرقش صوت المفاتيح بمخبأه ام فواز
منى:زين ياخاله تبيني أغرف لك عشاء
فواز على الخط :ماقرقشن مفاتيح امي الأ يوم سولفت منى يابعد قلبي ياهالصوت
ام فواز:اي والله اغرفي لي
يابنيتي
وانتى ياريم دق علي ابوك او خلي علي يودونا
ريم:جوالي مقطوع
ام فواز:خوذي جوالي وعلى ماطلعته من المخباه
قرقش قرقش صوت المفاتيح
ريم:تمسك الجوال
وتضحك يمه شكلك ماقفلتي الجوال بضحكه خبيثه
ام فواز:انا وش يعرفني للجوال
فواز:على طول قفل
منى: ابتسامه وهي مستحيه لأن ام فواز سبق ولمحت انها تبي منى لفواز
ابو فواز:
كثر الله خيركم وتصبحون على خير
ابو عبد الرحمن:عافيه
ويطلع ابو فواز واهله للبيت

في بيت ابوفواز

ابو فواز:ولدى فواز معك اجازه
فواز:هالأسبوع انشاء الله
جينا لعيون ريم نبي نشاركها فرحه التخرج
ريم:مشكور على هالمشاعر نشاركم الأفراح انشاءلله
فاطمه:كل هالعالم علشان ريم وحنا مالنا رب
فواز: انتى نور هالبيت كله وشلون مانعبرك
فاطمه :أحم أحم سمعتي ريموه
ريم:تكفين عاد بس لأتكبرين علينا
علي:ترى هذى ريم وفاطمه من يتقابلن وهن شيل وحط
فواز:ماعليك منهن قولي وشلون شغلك بالشركه مرتاح
علي:خلها على الله انت تعرف القطاع الخاص بى وقت يشيلونك تدري الحين الواسطه ماتلعب
فواز:والله انه تعب بس يابن الحلأل احسن من مدت يدك
علي:على قولتك،بس انا بدوار قطاع حكومي أضمن
فواز:خلك بوظيفتك واذا الله قاسم لك رزق بيجيك
علي:الله كريم
ابو فواز:ام فواز ترى الخميس بسوي عشاء لعبد الرحمن وريم بمناسبه التخرج وابيك تشوفين وش ناقص وانا بجيبه
ام فواز:انشاءلله والحلويات ريم تختارها انا ماعرف باهالسوالف
ابو فواز:تصبحون على خير
هلأ تلقى خير
ام فواز:ياربي نسيت هاتي العشاء لأخوك ياسعاد
فواز:بس يمه مابي تعشيت بالطريق
أم فواز:واجل ماتقول جوعان
وانا شاطه بالبنت اغرفي وحطي
فواز:اي بنت
ام فواز:منى
فواز:هي حطته ؟وين العشاء ابأكل ميت من الجوع
ريم:بالمطبخ كأنك جوعان اجيبه لك لأن فاطمه نامت
فواز:يالله هاتيه
علي :انا بروح انام تصبح على خير
فواز:تلقى خير
ويلحق ريم بالمطبخ
ريم:بسم الله منين طلعت
خوفتني
فواز:ابي اكل يابعد يدين ريم ياللي غرفت لي العشاء
متأكده ان منى الأ غارفته لي
ريم:باستهتار! لأ الشغاله غرفته وبعد سيرلأنكيه
فواز:اصلآ شغالتي عمتي اندنوسيه
ريم:بسم الله ان تحب منى ولأ الشغاله
فواز: هههه عفيه ريم وش اخبارها
ريم:تبتسم من هي الشغاله
فواز:عن الدلع من غيرها منى
ريم:الله عليك ماخذت أخبارها وانت ماقفلت الخط يوم تدق على أمي قاعد تسمع
فواز:وش دعوه عاد ترى ماسمعت شي ماغير قرقشه المفاتيح
ريم:هههه
فواز:يالله قوليلي وش أخبارها
ريم:_____؟!
فواز: وش فيك ريم لعبتي باعصابي
ريم:بصراحه… منى تقدم لها واحد
فواز :وش تقولين انتي
انتى اكيد تمزحين
ريم:فواز المواضيع هذا مافيه مزح
فواز:من هو الأ متقدم لها؟!وش رد منى
ريم:زميلتهابالدوام اعجبتها منى وخطبتها لأخوها الأ في الخفجي وتقول يشتغل بشركه ارامكو
فواز:بانفعال
ومنى وش قالت!
ريم:تطمن منى رفضته على أمل من الله ثم منك
فواز:اشوئ طمنتيني ويأخذ نفس عميق
ريم:يعنى لمتى وهي تنتظرك؟وبعدين جاهاعريس ماينفوت بس علشانك رفضته وترى هي ماقالت لي عن هالموضوع بس بالصدفه الولد الأ خاطبها بنت أخته طلعت تدرس معي بالجامعه
فواز:ياريم انتى تدرين انى احبها…بس عارفه ظروفي الماديه كل شي حطيته بالأسهم وأخاف اربط بنت الناس
ريم:بزعمك الحين مانت رابطها
ياخي حرام عليك وبعدين اذا جاءلأهلها عريس بكره وموصفات زينه ماظن ابوعبد الرحمن وعمتي يرفضون
فواز:طلع لغرفته وترك ريم بالمطبخ
ريم:والله انى قسيت عليك بس مابي منى تروح علينا

الجزءالثالث:
فواز يدخل غرفته يلقى علي يقراءكتاب لأ تحزن لعائض القرني
فواز:علي للحين انت قاعد أجل ماتقول انك تنعس
علي: انا زحلقت نفسي ادري انك تبي ريم بموضوع يخص منى قلت أخليك براحتك
فواز:انت تدري ؟!
علي:ياخي عيونك فاضحتك
فواز:يقول السالفه لعلي
علي:ريم معها حق تحرك اخطبها وانابساعدك باتحضيرات الزواج
فواز:ماتقصر بس خلى افكر وادبر عمري تعرف هذا زواج ماهو لعبه
علي:الله يتمم على خير واذا هي من نصيبك صدقني بتأخذها يالله تصبح على خير
فواز:وانت من أهل الخير

وبعد أسبوع"""
عبدالرحمن:الووه ناصر وينكم حفل التخرج يبدئ بعد ربع ساعه
ناصر:يالله الحين جايين
عبد الرحمن:خالي وفواز وعلي من زمان احضراو
ناصر:دقائق وحنا عندك
ناصر والبنات جالسين بالصاله ينتظرون ابوهم ينزل
ابو عبد الرحمن:السلأم عليكم
الجميع وعليكم السلأم
ناصر:يبه ترى تأخرنا على عبد الرحمن
ابو عبد الرحمن:وشو عاد شهاده دكتواره
الجميع بصمت
مريم:الله يهديك يايبه عبد الرحمن كافح لحد ماوصل للقمه وبعدين شهادته الدكتواره ماهي شهاده أخره علشان يحصلها
ابوعبد الرحمن:مايقدر يتكلم اذا تكلمت مريم لأن كلأمها منطقي ويحس انها تحط يدها على الجرح
سعاد:وبعدين مايصير تتأخر شوف خالي وأعياله أول من حضر
ابو عبد الرحمن:حس بتقصيره
يالله ياناصر
ناصر:توكلنا على الله
وابو عبد الرحمن طالع تمسكه ام عبد الرحمن الله الله بالكلأم الزين وتخرجه من الجامعه يعتبر نجاح
ابو عبد الرحمن:هذا ولدي لأتوصيني عليه
{في قاعه التخرج}
كان عبد الرحمن واقف يطالع الداخل والطالع
وابتسم ونط من مكانه شاف ابوه وناصرجايين
هلأ يبه تعال قدام انت وناصر انا حاجز لكم قدام
ناصر:صراحه لبس التخرج مايلبق غير عليك

{المفااااجأه الأكبر}
وش توقعون أكيد شي حلو
بدء الحفل وبدات المسيره
وقام عميد الجامعه بتكريمهم
طبعآ فواز دق على ريم وهي عند ام عبد الرحمن وقال لها حطيه على السبكر خلي عمتي تسمع التكريم

عبدالرحمن عبدالعزيز العنزي
الأول على الدفعه بتقدير أمتياز مع مرتبه الشرف
أسم ملاءأركان القاعه
وقف ابوه لأ ارادي وقام يصفق وحركته هزت الموجودين فقام العميد وقاموا الأعضاء الأ معه وقف كل الحضور وصفقوا
عبد الرحمن:صامت تخيلواشعوره ابوه دائم يناديه يالفاشل واليوم أول واحد واقف معه ابوه
عبدالرحمن ماتقدم يأخذ شهادته
الندئ يتكرار
عبدالرحمن عبد العزيز العنزي

عبدالرحمن:يتقدم ويستلم شهادته ويلقى كلمه شكركالتالي
بسم الله الرحمن الرحيم والصلأه والسلأم علي اشرف الأنبياء والمرسلين
أولأ أحمد الله على هذا النجاح
واهديه لوالدي العزيز الذي دائمآ يقف معي
واهديه الي الوالده التى طالما سهرت معي وتعبت من أجلي واهديه الي كل من حضر لأجلي في هذا اليوم وأشكر عميد الجامعه ومن معه لجميع مابذلوه من تقدم لأجل ابناء وطنهم
والسلأم عليكم ورحمه الله وبركاته
ام عبد الرحمن:كانت تسمع بجوال ريم وقامت تبكي
من الفرحه
وانتهى الحفل وابوعبد الرحمن كان مبسوط ورافع راسه
واطلعوا البيت وضحك وسوالف ابوعبد الرحمن دق جواله وطلع عن الأزعاج
أم عبد الرحمن:ياربي يالله سمعت أسمك من الأزعاج
عبدالرحمن:وشلون سمعته؟!
أم عبد الرحمن:فواز يابعد عيني دق على ريم وسمعنا
ناصر:لعيون بلد تكرم مدينه ويطالع لمنى {نزلت راسها مستحيه}الكل عارف ان فواز يبي منى بس ابوعبد الرحمن مايدري
سعاد:بس عاد ناصر بدون أحراج
مريم:الله يوفقك ياعبد الرحمن قوم وصلى ركعتين شكر لله
عبد الرحمن:معك حق وقام يصلي
ناصر:يمه..يمه بصوت واطي
ام عبد الرحمن:وش فيك تقل مسوى .
ناصر:لوشفتي ابوي وش سوى بالقاعه رجها رج شفتي الأزعاج هذا ابوي السبب وقالهم السالفه
ام عبد الرحمن:ابوك طيب مايروح نيه
عبد الرحمن بعد ماصلى انسدح على السرير يفكر ابوى معقوله تنزل دمعته من الفرح علشاني معقوله كل الأصار ونام بعد تفكير عميق

اذا اعجبتكم انزل الجزء الرابع واكملها لكم
تحياتي