قصيـده بـ: عنوٍآن (قـآرٍب اليأس) أرٍجوٍ أن تنـآل رضـآكم والمعذرٍه ع الغياب الفتره المـآضيه

مابيك تسأل ولا تتعب ولا تهتم
خلك على وضعك الحالي جبل رآسي

أخاف تسأل عن أحوالي وتتـَندم
على سواياك فيني يابعد ناسـي

الوضع بـَعدك يمين الله متأزم
دارت علي الليالي وأنحنـى بآسـي

خليتني للجفا طايع ومستسلم
أنوح وأبكي وبـَآن الشَـيب في راسي

جسمي نحل من جفاك وزاد ضغط الدم
ماني مصدق سوايا قلبك القاسي

ضيقه وحزن وتعاسه وإكتئاب وهم
ذي حالتي وإنت يمي مالك إحساسي

شكرآ على الصد والحرمان لا… تِسلم

على صدودك وهجرانك وهوجاسي

صديت عني وانا اللي في هواك أحلَـم
وأقفيت عنـًي تدق لموتي أجراسي

أردد الوجد وأكتب قصتي وأرسم
والحبر دمعة قهر والخد كراسي

الجرح يكبر معي في داخلي مُـعدم
والآه بحري وقارب رحلتي يـآسي

ياما طلبت الوصل ياللأسف ما..تم
واليوم هذي عباره بين الأقواسي

خلك على حالتك لاتسـأل وتهتم
وأنا على حالتي لين ألفظ أنفاسي