قوه أمهاااات قدم ويدد :) وأمهات المستقبل القريب :)

يلا نتوكل على الله نبتدي
(((( أعداد الأشياء تقريبي بس إنتي طبعا بتشترين حسب حاجتج ))))

*** من سنتر بوينت :
4 رضعات صغيره جدا
6 رضعات وسط
غلاية رضاعات
2 فرشاة رضعات
مصاصه من 0-3 أشهر
5 تبان من 0-3 (حفر)
6 ملابس أفرول من 0-3 (بلسوت كامل)
7 صداري صغيره
4 كبوي للرأس

2 فوطه برأس
2 فوطه صغيره ووسط ( لما تطلعين أي مكان )
فوط صغيره جدا ( لمسح للترجيع )
كمبل حياكه
حوض سباحه + اسفنجة حق تحت الطفل + اسفنجة لتفريك
مقراض أو مقص للأظافر + شفاطه للخشم + مشط
قطن للصدر

*** محتويات حقيبة لالمستشفى للأم :
3 دراريع ستان
2 ملفع
فوطه كبيره + مشط + صوبون + شامبو (للإستحمام)
كوتكس (الأسره السعيده أو فام سوبر ماكسي)
4 سروال كبير
2 دلاغ متين نفس لون الدراريع
3 سروال طويل (عشان ما يدشج هوا)
2 ستيان
شلحات
وطبعا لا تنسين تشترين الملابس بحسب حاجتج طول فترة النفاس

*** محتويات حقيبة المستشفى للطفل :
تشترين 4 أكياس نايلون من الجمعيه يتسكرون من فوق أو أي أكياس تعجبج
تحطين في كل كيس غيار للطفل أول ما تبي السستر تبدل البيبي تعطينها واحد من الأكياس
ويحتوي كل كيس على
(تبان + بلسوت + كبوس + صدرية + مهاد)
1 فوطه للسباحة برأس

*** من الصيدلية :
قطع كحول + بودره (لسرة البيبي)
كريم ميبو + بخاخ للجروح (لجرح الخياط) أول ما احصل إسم البخاخ بطرشه لج

*** من الجمعيه أو سنتر بوينت :
حليب أطفال رقم 1
مناديل جونسون
صابون جونسون للسباحه
شامبو جونسون
بودرة جونسون
زيت جونسون للجسم
عطر جونسون كلونيا
قطن للإذن
حفاضات بامبرز رقم 1

ولا تنسين
غسالة صغيرة لملابس البيبي
وصابون غسيل خاص لملابس الأطفال

وإن شاءالله أكون وفيت كل اللي تحتاجينه
والله يتمم عليج يا قلبي
ويسهل امورج ياااااااااااااااااااارب

لوقت السبوح:
يفضل تاخذين مسبح اللي يجي تحته رفوف لا تاخذين خشب أخذي بلاستك
أريح لج عشان تبدلين وتسبحين الياهل وأنتي واقفه وأخذي الاسفنجه اللي تسدحين عليها الياهل+كلك (دلو) للماي وابريج عشان تصبين الماي+كرسي صغير حق الكلك عشان ترفعينه شوي،،وبالنسبه لتنظيف جسم الياهل بالصابون أفضل تفركينه بيدج بدل الليفه دام أنه صغير
لتنظيف السره:
احنا عندنا امنعو الكحول لتنظيف السره لأنه يدخل في الدم،،لا تحطين عليه حاجه وأهم شي تخلينه جاف وبيطيح بروحه
أغراض الياهل:
أنا أحب استخدم ماركة سيبا ميد لأنها طبيه وخفيفه على بشرة الياهل،،تقدرين تاخذين منها:
شامبو+صابون+زيت+لوشن أو كريم الجسم +بودرة الجسم+كريم للوجه
مناديل التنظيف+كريم طفح الحفاض،،وغيره حسب رغبتج،،هالماركة فيها منتجات كثيره وأخذي شنطة ثياب للياهل وفراش طقم للزيارات بعد فترة النفاس،،دله أو مطاره للماي الحار حق المراضيع
بالنسبه لغسيل ثياب الياهل:
يكون غسيل باليد ولا تعصرينهم بالقو عشان ما توسع
بالنسبه لج:
احنا يعطونا (قيصريه) من المستشفى وهي مثل حوض صغير تحطينه على المرحاض وتملينه ماي دافي وملح وتقعدين عليه لتظيف الجرح تستخدمينه أكثر من مره في اليوم
وتقومين بالسلامه