قيمة التسامح . اول مرة اطلبكم تكفون .

ماحبيت أطلع بدون رد ……….بفكر معاج ………..شرايج حطي طاولة عليها مفرش وحركات ورد مجفف وسلة كشخة فيها مطويات سويها بنفسج عن العفو ….دوري بالنت وومعلومات عن العفو ……..والطاولة يم غرف الوكيلة والناظرة مع بنتين كل ماتمر أبلة يعطونها وطلبي أشرطة اسلامية وغلفيها غلاف حلو ….وحطيها بسلة وهم البنات يعطونها كل أبلة تمر
إبداي لبرنامج بقرأن كريم وأسالي لو في ايه عن موضوعج((ان ما أعرف ))
وبعدين فقرة من طالبة تقراها عن العفو
بعدين مع مشهد خيالي((بنت تكلم امها وتقول يما انا ما أحب صديقتي فلانه لانها غلطت بحقي ….وأمس جت تعتذر بس ما قبلت إعتذارها لاني مستحيل أنسى اللي سوته ….وترد أمها وتوضح لها إن هذا مو صح..وحنا مسلمين والاسلام حثنا على العفو…………زالخ)) طبعا حطيها بلغة عربية

بعدين
نتي كلمي البنات وإنصحيهم وقولي إي وحدة زعلانة على صديقتها اليوم ردوا حق بعض وووووووووووووووووووووووالخ

شرايج

سبحان الله قاعدة ادور عن هالقيمة والا طلع موضوعي السنة الي طافت لوووول