كبة البطاط من مطبخ زعفوره،،، هلا وغلا

بسم الله الرحمن الرحيم
=====
( اللهم لك حمدا كثيرا طيبا مباركا كما ينبغى لجلال وجهك الكريم وعظيم)
هلا طيوبات اشلونكم ان شاء الله تكونون بأتم صحه وعافيه، حبيت اشارككم بطريقة كبة البطاط والعيش ، لشهر رمضان المبارك،، الله يبلغنا فيه لا فاقدين ولا مفقودين.
نبدأ بسم الله

المقاديرالحشوه
===
نص كيلو لحم بقرى مفروم وسط مغسول ومصفى،بصله مفرومه ناعم،صنوبر، م ص كركم ، م ص فلفل أسود،ملح حسب الذوق،م ك بهار السفينه( كارى)،رشة خفيفه دارسين مطحون، م ص لومى أسود مطحون، مكعبين ماجى خضروات، 4 م ك زيت نباتي.

مقادير عجينة الكبه
=====

ا كوب عيش مغلى ومشخول
3 حبات بطاط مغلى ومهروسين
ملح حسب الذوق
نحطهم بفرامة اللحم ونعجنهم مع بعض ونتركهم على جنب لحين الأستخدام.

طريقة عمل الحشوه
====
نحمس البصل لغاية مايذبل نضع اللحم المفروم راح يطلع مايه ونحمس بعد لغاية ماينشف ماي اللحم ، نضيف عليه البهارات والملح ومكعبين الماجى ونحمس وبالأخير نضيف الصنوبر لغايه مايستوى ويصير جاهز عندج.

اللحين نبدى نقسم العجينه دوائر ونضغط باصبعنا بالوسط نسوى مثل الحفره ونحشيها باللحم المفروم
ونغلق العجينة البطاط ونكببها مثل الصوره

.
وجذيه تصير معاج كبه حلوه ونظيفه من ايدكم الحلوه

اهنيه قليت حبتين تبارك الرحمن متماسكه ومن أروع مايكون

وبالعافيه عليكم وعلينا حبيباتي