كريمات اتساعد على شد البطن والسيلولايت

السلام عليكم

أول شي الحمدلله على سلامتكم وسلامة بيبياتكم وربي يخليهم لنا ويفرحنا فيهم

ثاني شي بنات أكيد كلنا بعد الحمال وزيادة الوزن وبعد ماودلنا وارتحنا من الثقل بقى الحين نفتك من الترهلات ونبي جسمنا يكون مشدود خاصة البطن والارداف فكل وحدة فينا اتحط شنو الكريمات الي استخدمتهم وفادوها

أنا ببدي بالكريمات الي عندي شريتهم بس مع الاسف ما استخدمتهم كلهم

والسبب الكسل والعيز الي فيني وناوية باذن الله استخدمهم على الاقل اطلع قيمتهم

نبتدي يالله حياكم

هالكريم اختي وايد مدحته لانها جربته بعد ما ولدت تقول انه يشد البطن حيل وفيه مادة الكافيين
انا شريته من عقب ما مدحته وشفت بطنها ما شاء الله كان مشدود مو مترهل من صيدلية بوتس وفي اغلب الصيدليات متوفر

هذا شور جيل مع المفراكة تسوي مساج

هذا الكريم اختي شرته حقي من هونج كونج يستخدم بعد الشور تسوين مساج طبعا حق بطنج وحاطين بالبروشور طريقته
وانه يشد البطن وينحف الخصر خلال 14 يوم واعتقد انه موجود اهني

هالكريم وايد امدحته لي الي اتبيع بصيدلية بوتس للخطوط البيضاء وينفع اتحطينه اثناء الحمل

كريم نيفيا للسيلولايت أكيد اتعرفونه انا مجربته من سنة وكان وايد زين انصحكم فيه بنات

كريم روك جربته من 3 سنوات تقريبا بس ما عجبني حسيته بس ينعم

هالكريم جربته صج ايهبل يضعف البطن والاداف بس عيبه يحرق الي فيها حساسية ما ينفع لها وريحته مو حلوة

وعندي كبسولات شرتهم اختي من هونج تكسرينهم وتحطينهم على بطنج و تقول زينين بس ما لقيت صورتهم اسمهم

Dynamic Slimming Serum من ماركة BIOSCREEN

بس وسلامتكم مع تمنياتي لكم بأجسام رشيقة